The Point Pizza.Pasta 手工薄餅店 Xmas Holiday Feast 「繽紛烈焰聖誕晚餐」2019

轉眼間又到一年一度的聖誕節, 亦係我同屋企人最重視的節日～　每年聖誕節除左要買禮物, 仲要搵一間餐廳食聖誕大餐, 今年人氣手工薄餅店 The Point Pizza . Pasta 推出左全新「繽紛烈焰聖誕晚餐」, 今年聖誕節多個選擇啦!

The Point Pizza . Pasta岩岩係荃灣如心廣場開設新分店, 樓底好高, 地方十分闊落, 環境十分舒適! 岩曬傾計或一家大細黎分享美食!

Xmas Holiday Feast 「繽紛烈焰聖誕晚餐」十分豐富, 2人用, 可以係每個SECTION選擇自己喜歡的食物~

STARTER有洋蔥湯, 有一片十分厚切的芝士蒜蓉包, 配上大量的洋蔥, 好香好濃郁!

STARTER還有牛油果蟹肉撻 - 賣相十分精緻! 用上沙律菜圍成圓形, 撻上充滿了香滑的牛油果醬, 再放上大量的蟹肉及三文魚子, 口感卜卜脆, 又鮮甜~

來到主菜 - 有The Point的招牌火焰龍蝦披薩!

原隻波士頓龍蝦拆肉, 大量的芝士及手做PIZZA底, 上檯後再即場淋上RUM酒火燒, 色香味俱全!

龍蝦拆肉後還有殼內鑲入其他食材,  好有心思~

手工PIZZA底煙韌有口感, 大量芝士做到拉絲效果, 非一般PIZZA的美味!

「繽紛烈焰聖誕晚餐」的主菜有五款選擇, 有闊麵條 / 羊架 / 虎蝦 / 鱸魚 / 和牛肋肉供選擇!

牛肝菌汁野菌意大利香腸闊麵條 - 濃郁的牛肝菌CREAM SAUCE加上炸香了的金菇, 十分香脆~

香煎避風塘虎蝦配薯蓉 - 2隻大虎蝦, 開邊煎香, 肉質彈牙! 薯蓉帶點檸檬香味, 原來廚師加入了檸檬碎來調味, 與別不同!

寶雲蘇羊架配蕃茄茄子及薯蓉 - 3支羊架, 用慢煮方法炮製, 保留了充足的肉汁, 肉質非常鮮嫩, 外皮焗得又香又脆, 而且沒有太大的羊騷味, 怕羊的朋友也可以試試!

香烤鱸魚配蕃茄橄欖珍珠粉 - 比手掌還要大的鱸魚, 廚房把魚皮燒得卜卜脆, 魚肉結實又充滿水份, 入口香滑, 味道帶點咸香, 配埋底部的蕃茄橄欖珍珠粉, 好似手切的意粉粒一樣, 十分有咬勁! 大人小朋友都一定喜愛!

來到ENDING, 唔少得DESSERT呢一部份, MENU包括了棉花糖朱古力心太軟, 餅底加了杏仁味crumble, 整體食落勁似樂家杏仁糖! 又脆又香, 朱古力味好RICH, 甜味岩岩好!

「繽紛烈焰聖誕晚餐」可以半價ORDER飲品, 我試左一杯ROSE LADY, 有原粒荔枝, 淡淡玫瑰味, 岩曬女仔!

The Point Pizza.Pasta 手工薄餅店:
地址：荃灣大河道98號如心廣場商場二期2樓214號舖
電話： 29473866

仲有其他分店架!

想了解更多The POINT - Pizza & Pastat美食, 可以到以下網址:

Website: www.thepointhkg.com

Facebook: https://www.facebook.com/thepointhkg/

Carrie’s Blogspot: http://littlecarriechan.blogspot.hk/

Carrie’s Facebook Fans Page: https://www.facebook.com/carrieweblog

跟酒店甜品無分別, 超靚超正– 元朗 小糖鈕甜品專門店

好耐無去過元朗, 行左好又拖住1大1細要搵個地方休息下, 記得明渠個邊有B仔, 原來已經無左, 隔離有間甜品店, 色彩鮮艷, 仔仔已經狂指住COLORFUL的鈕形圖案, 就落腳試下.

MENU上的甜品全部都好精緻, 好似去左酒店食甜品一樣. 花多眼亂.

不過唔駛怕, 原來有甜品拼盤, 化解曬所有《選擇困難症》問題. 另外還點了一個果茶.

甜品拼盤叫為﹝大糖鈕特選拼盤﹞, 一共有8款甜品, 其中5款係MENU上可以單點的, 另外3款係神秘甜品, 日日唔同, 呢個IDEA幾新鮮!

賣相極靚, 碟上還畫滿了不同顏色的花紋, 灑上乾果, 焦糖脆脆, 鈕形朱古力等等, 好似藝術品一樣!

1 - 黑加侖子拿破崙
Topping有一個拿破崙圈圈, 仲有2條士多啤梨蛋白棒, Base是酸酸的黑加侖子MOUSSE, 質地有點似硬身的雪葩, 又酸又香又有不同口感, 好玩好味!

2 – 燒焦蕉杯

內有香焦芭菲, 朱古力Brownie同埋焦糖香蕉, 仲有少少脆朱古力粒同一片薄脆係面, 全有野一匙一齊食, 蕉味滿口, 香蕉永遠都係同朱古力最夾! 蕉迷一定要試!

3 - 神秘甜品 – 桂花杏仁奶凍

Topping係麻薯粒加酥皮碎, 下面係奶凍, 桂花味比杏仁味重, 麻薯煙韌加上奶凍幼滑, 雙重質感.

4 – 意式蕃茄芭菲

個樣睇落以為係士多啤梨, 一咬就有驚喜! 原來係蕃茄, 十分清新, 估唔到有人用蕃茄黎做甜品, 清新的蕃茄味, 仲有一大片蛋白餅, 亞仔一手已經羅左蛋白餅黎食.

5 – 神秘甜品 – 紅酒燴無花果

用了原粒無花果, 加入紅酒去燴, 連裡面都滲滿了紅酒味, 勁多汁! 酒香滿載但又唔會醉, 好得意.

6 -富士蘋果撻

蘋果撻上有烤脆了的蘋果絲, 下面有金寶脆脆, 蘋果粒及雲呢拿雪糕, 呢個甜品有齊冷熱脆軟, 可惜食2下已經食曬, 太好味!! 大件少少就好了!

7 - 神秘甜品 – 楊桃芒果爆珠奶凍

TOPPING都有已烤脆的楊桃片, 下面有什果粒粒及爆珠, 味道更為清新.

8 -雜莓芝士忌廉杯

小小的高杯裝了3色的MOUSSE, 最頂係士多啤梨醬, 有藍莓及黑莓, 呢款甜品都幾甜, 配番花茶飲就最好.

果茶有不同味道揀, 有D係fruity味, 有D係花香味. 店主會沖滿一JAR, 2個人都夠飲!

店舖細細, 甜品真係好似藝術品甘精緻, 大人細路都食得好開心!

小糖鈕甜品專門店 Sweet Button Desserts

地址: 元朗裕榮徑11號好旺洋樓地下10號舖

Tel : 9704 0000

Facebook: https://www.facebook.com/Sweet.button.desserts/?fref=ts

免責聲明:

產品由 小糖鈕甜品專門店 提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog