[影評] 人生無TAKE 2 - 回到最愛的一天 About Time

人生中每天都要決定好多事情, 倒如簡單既可以係食飯/飲野, 複雜既可以係轉工, 升學, 結婚等等. 每個細小既決定都可以有深遠既影響.

上星期睇左套優先場, 係一部浪漫喜劇科幻電影 – 回到最愛的一天 About Time, 以愛情元素為主, 仲加入了科幻元素去塑造少少喜劇性.

愛情片我都睇得多了, 男女主角搵到心儀對象, 但係如果追唔到, 可能會遺憾一生. 不過係片中既主角就算失敗左, 佢都有特異功能去再嘗試多幾次.

片中既男主角既特異功能, 原來呢個一直都係家庭既秘密, 而且呢個特異功能仲要係家中既男生才有的. 就係只要走全黑暗既地方, 握緊拳頭, 諗住想去到既日子及地方, 就可以回到過去, 改善事實既發生!

係片中男主角為左想追到女主角, 但因為從未有經驗而經常失手, 有時更會因為家人及朋友而利用特異功能去嘗試扭轉事實. 亦有不少笑位.

人生及決定往往都無TAKE 2, 其實係現實上, 如果每個決定都先諗3秒, 其實會減少好多錯失既機會. 睇完呢套戲, 我有更深既體會, 而且要珍惜眼前人.

回到最愛的一天 About Time小資料:
導演 :李察寇蒂斯 Richard Curtis
演員 :麗素麥雅當絲 Rachel McAdams, 當勞格利遜 Domhnall Gleeson, 標尼菲 Bill Nighy
片長 :2小時4分
級別 :IIA 級
語言 :英語 (中文字幕)
上映 :3.10.2013

回到最愛的一天 About Time Facebook: http://www.facebook.com/abouttimethemovie
回到最愛的一天 About Time Website:http://www.abouttimemovie.com
Universal Pictures HK Facebook: https://www.facebook.com/UPI.HK

免責聲明:
產品由Qooza.hk及 Universal Pictures提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。