第一次留意Greyhound Café嘅時候係係海港城, 原來已在又一城開左分店, 而且仲好多人黎架, 次次都要排一輪先可以食得到.
今次同朋友黎傾下計, 食晚飯聚下舊, 我地鍾意Greyhound Café唔會坐得迫, 又有SOFA, 而且餐廳位有半開放式嘅座位, 唔會有壓頂既感覺, 坐得輕鬆好多.
我地先叫左頭盤及飲品, 我覺得最值得介紹大家既係藍蘭豆甜菊茶, 佢係一隻藍色既茶, 配合蜜糖飲用, 感覺十分清新又香甜!
朋友叫了Greyhound Café特色檸檬茶, 原來連冰都係用茶黎做, 令味道不會變淡, 製作一絲不茍!
頭盤ORDER左招牌脆炸單骨雞翼, 薄切三文魚片配泰式辣汁, 脆炸粟米蟹肉餅配甜酸醬及軟殼蟹沙律配蜜糖芥末醬!
招牌脆炸單骨雞翼係把雞翼切開了一半再炸, 十分香脆, 不過味道平平無奇.
最好味嘅頭盤係薄切三文魚片配泰式辣汁, 每片三文魚片都放了一片蒜頭, 夾起一齊食好有口感, 又有微辣感覺, 配上好多香草既醬汁, 份外開胃!
另一樣最好味嘅就係脆炸粟米蟹肉餅,
脆醬十分香脆, 切開見到入面好多蟹肉, 粟米又不會因為炸嘅時間而乾曬, 炸既時間把握得好好, 亦不會油淋淋, 配上泰式醬汁更好味!
軟殼蟹沙律配蜜糖芥末醬用上原隻軟殼蟹, 上檯時已經好震撼!
黎到主菜, 我地ORDER左鮮蝦炒金邊粉, 泰式鹹魚乾辣椒意大利麵, 泰式銀魚柳意大利麵及鮮蝦辣椒膏炒飯.
4個頭盤最好味嘅就係鮮蝦炒金邊粉, 金邊粉亦有少少濕潤, 炒得很香, 個個朋友都大讚好味!
另一個較有特色既係泰式銀魚柳意大利麵, 泰菜fushion意大利菜, 感覺特別, 意大利麵十分煙韌, 亦較為幼身, 配上炸得香脆的銀魚乾, 一脆一韌, 口感得意!
另一意大利麵是泰式銀魚柳意大利麵,
用了蕃茄辣汁炒的, 口感及味覺的新享受!
鮮蝦辣椒膏炒飯亦炒得十分夠火喉,
十分香口!
已經飽得7788, 不過我地仲ORDER埋甜品, 因為係甜品櫃中已經見到好靚!
因為當日無芒果, 所以我地叫左蘋果金寶, 新鮮椰子千層蛋糕, 野莓千層蛋糕及 香蕉榛子芝士蛋糕!
先來了蘋果金寶, 面頭的脆脆跟肉桂蘋果片明顯是一層層放上去的, 加上雪呢拿醬都唔錯.
最好味嘅就係新鮮椰子千層蛋糕, 用上了椰青肉切成一條條, 外面係軟滑既CREAM, CREAM唔太租, 不會搶走椰青肉的味道, 味道十分夾, 口感清新! 真係超正!! 真係一試愛上!!
而野莓千層蛋糕只係把椰青肉換了小紅莓, 帶小小酸的, 可以把早前吃的油膩感消除!
香蕉榛子芝士蛋糕的一般般, 因為大家都愛上了新鮮椰子千層蛋糕啦! 哈哈!
整體都十分好味, 而且服務態度很好亦細心, 我最推介食品係薄切三文魚片配泰式辣汁, 脆炸粟米蟹肉餅, 鮮蝦炒金邊粉及新鮮椰子千層蛋糕, 大家下去可以試下呀!
沒有留言:
張貼留言