Nestle雀巢旗下有多個品牌的嬰幼食品, 今次我就試食到Gerber嘉寶的餅乾食品.
Gerber嘉寶係美國產品, 已經有超過80年歷史, Gerber嬰幼兒食品不含防腐劑, 每款原材料均在新鮮採集及處理後立即包裝, 確保衛生及保持食品中最佳的營養, 所以每款嘉寶®嬰幼兒食品可保存約1年或以上而依然保存住其中的好營養.
Gerber嘉寶有不同產品, 適合不同BB的需要, 而今次試食的餅乾係為12-36個月, 已經識得行路的BB而設計的. 分別係牙仔餅及肉桂獸型曲奇餅.
先試牙仔餅, 紙盒包裝, 內有膠袋裝住牙仔餅, 大約有十幾塊, 營養標籤顯示大約一塊牙仔餅有2g糖份.
牙仔餅大約7CM X 3CM, 唔係好硬, 質地有少少軟身, 唔係爽脆的質地. 小朋友可以自己攞住食, 不會有太多餅乾碎, 亦不似其他牌子有"鬼食泥"的情況, 質地唔錯! 牙仔餅不太甜, 有點似普通麥味餅乾, 配以奶進食會可能更好味~
而肉桂獸型曲奇餅, 本身膠袋已有拉鏈封口, 食完ZIP埋就可以存氣, 我最鍾意呢款包裝!
肉桂獸型曲奇餅有多種不同動物形狀, 大個的小朋友可以教學用. 我家13M的小BB就睇唔明了. 一包大約肉桂獸型曲奇餅30-40塊, 營養標籤顯示大約2塊牙仔餅有2g糖份.
打開包裝已經好香肉桂味, 一塊4CM X 3CM, 質地較為爽脆, 啪一下就斷了, 仔仔超級鍾意食, 因為好香都幾甜, 個人覺得甜度較高.
依家日日都要扭計食肉桂餅, 俾少一陣都會發脾氣, 真係食上引了!!!
免責聲明:
產品由 mybb.com.hk 送出, 本文章所發表的全部內容均屬個人意見, 並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛, 本人概不負責。
Carrie's Blogspot: http://littlecarriechan.blogspot.com/
Carrie’s Facebook Fans Page: https://www.facebook.com/carrieweblog
沒有留言:
張貼留言