果子. 夢 X九號水產 - 小店員大體驗

早已聽聞過黃埔的九號水產有KIDS WORKSHOP, 今次放假, 特登帶仔仔去到九號水產, 參加了由果子．夢（結伴同遊）同九號水產合辦的 <<小店員大體驗>>~

依家去黃埔完全唔困難, 有地鐵直達, 行幾分鐘已經到達九號水產, 入面全部都係日式食店, 仲有1個專賣日本食物的超級市場, 原來<<小店員大體驗>>就係呢到舉行!

<<小店員大體驗>>係俾小朋友試下返工!!! 無錯, 係返工!!!

要佢地學習接待及招呼客人, 推銷產品, 安排客人試食, 貼食物標籤, 上貨架, 執貨, 仲要去收銀處收錢!

開工之前, 佢地要先由經理BRIEFING一次, 講番今日要做乜野, 再換上圍裙準備開工.

首先, 經理會帶佢地係店舖行1個圈, 簡單介紹下店舖共有幾多個區域.

之後, 就要去大門口準備"迎賓"啦! 經理同佢地練習左幾次 ~

 「 歡迎光臨, いらっしゃいませ(irassyaimase)」

黎到下一個環節 - 安排客人試食, 首先要認識試食的產品, 價錢, 要學習帶上手套保持衛生, 只係短短十多分鐘, 小朋友已經感受到戴住手套工作的悶熱, 啦啦林除番手套!

去番零食區, 小朋友要學習貼食物標籤, 原來係貨品上架賣之前, 店員要貼番香港食品標籤的才可以上架賣的. 

小朋友分開幾GROUP慢慢一包包貼好貼紙, 佢地十分專心, 好叻叻!! 

貼好就可以放上貨架, 雖然都幾難放好, 仲成日跌, 不過完全無放棄呀!!   仲要排得好整齊架!

 

見到佢地成班小朋友分工合作, 我真係好安心, 點解佢大得甘快呢!

之後再次去到門口位置, 原來要賣波子汽水! 仲一齊叫口號幫手SELL汽水添!

最後一個環節 - 去收銀處收錢, 呢個環節大家都好興趣, 可以親手掃描BARCODE, 收錢及找錢! 

全程都有收銀員教導佢地, 唔會收錯錢架! 

係呢到亦要有分工合作精神, 一位小朋友掃描BARCODE, 另一位就要幫手入袋!

完成2小時的任務, 佢地都要做檢討, 睇下今日做得好唔好, 做個小反省, 之後經理先會"出糧"架!

佢地會等到優惠劵同埋禮物換領劵, 可以去換自己鍾意的禮物.

而仔仔就換左一粒珍寶珠, 佢珍而重之甘慢慢食, 希望佢真係感受到工作的辛苦啦!

今次佢係全班最細個, 得3歲幾, 不過佢做得好好, 好欣賞佢呀!!!!

呢到真係一個好好的體驗, 要有勞力先可以有收穫!

果子．夢（結伴同遊）係呢個暑假仲有好多不同的活動架, 可以去果子．夢（結伴同遊）的FACEBOOK睇睇!

果子．夢（結伴同遊）Facebook : https://www.facebook.com/fruitdream3/

九號水產 Nice Seafood Place Facebook : https://www.facebook.com/nineseafoodplace/

免責聲明:

本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.hk/

Carrie’s Facebook Fans Page: https://www.facebook.com/carrieweblog