2016年1月17日 星期日

特色蒸氣鍋 - 旺角築地番本日式放題

同一班新相識朋友搵個地方傾下計食野, BOOK左旺角築地番本日式放題, 貪個到試下蒸氣鍋, 蒸熟D, 下面仲有個粥底, 仲有同一般放題一樣有既野食添!


3位就有一個蒸氣鍋, 8位有2個蒸氣鍋架.

重點食個蒸氣鍋, 食材有廣島蠔, 海中蝦, 帆立貝, 沙白, 蟲草花杞子雞件, 西京麵豉豚肉片, 肥牛, 南瓜, 鮮冬菇, 金菇及小棠菜. 可惜我地當晚無曬廣島蠔了.

蒸氣鍋有一個小草帽做蓋, 都幾可愛. 店員細心介紹每隻食材的蒸熟時間, 先後次序.
海中蝦 個樣好新鮮, 食落就知係死左好耐, 肉質有一點梅
帆立貝 細細仔, 加左蒜蓉蒸, 新鮮好味
沙白 隻隻都新鮮, 全部都開口, 鮮甜無乜沙
西京麵豉豚肉片 - 麵豉味重, 唔錯唔錯
肥牛 肥瘦岩岩好, 唔太肥, 蒸完都幾有牛味
鮮冬菇 原味最正

食完豬牛海鮮, 主角先出場, 就係下面個粥底. 因為蒸熟食物既, D汁就會滴曬入下面個粥底個到, 精華就於此! 同時蒸甘耐, 所有花都開花, 吸收曬鮮味! 而且不太咸, 呢個粥真係好正!


番本都有基本日式放題美食, 我地都叫左好多:

枝豆 一般, 但豆夠大粒
海膽豆腐 都幾凍, 一啖一舊
刺身 最好味係三文魚/油甘魚/希靈魚, 其他帶子/甜蝦一般啦
壽司/卷物 一口SIZE, 好彩唔係大大舊, 香芒大蝦卷都OK
牛油粟米/雜菌唔得, 又凍又無乜牛油味, 粟米太乾
和風牛肉粒 好好味!!!
清酒煮蜆 淡淡清酒味, 不濃, 蜆都好新解, 肉厚
鰻魚炒飯 睇落好似麻麻, 但食落又幾好味
炒帶子 唔錯
燒牛舌 唔係厚切但仲好JUICY, 好好味! 食完可以再叫
太子醬焗帆立貝 太多太子醬了, COVER曬帆立貝個味
烤菠蘿 好甜, 但表面烤得唔夠乾身, 不過我地都叫完再叫, 唔差
天婦羅蝦 炸粉唔夠脆身, 一般
南瓜天婦羅 - 南瓜夠清甜, 唔油, 好食
糖心蕃薯天婦羅 一寸長一粒, 夠糯, 夠甜, 呢個我食放題最愛
炸物紫心蕃薯丸 外表夠煙韌, 蕃薯又香甜, 炸得脆, 好好味!

芝士春卷 雲吞皮包芝士, 乾左又凍左少少, 芝士硬左

甜品:
北海度360奶凍 份量細, 2啖食曬, 牛奶味濃, 大愛牛奶的朋友叫10份都未夠!
雪米滋 有綠茶/香芋味, 所有放題都係食呢隻
雪糕 有雲呢拿/朱古力/芝麻味, X公司出品, 一般貨仔

一提, 即場LIKE築地番本個Facebook, 會每人送一隻紅蝦刺身, 隻蝦長過一隻手掌架. 蝦頭有膏添, 不過味道較”.


飲品:
自取的, 牌子就真係麻麻, 但點菜紙有ASAHI朝日啤油/千賀清酒/梅酒, 愛飲酒朋友, 飲多D就好抵啦!


限時堂食2小時, 環境同衛生都中規中舉, 服務態度都唔錯, 有時會問下我地換唔換碟. 無黑面喎.


築地番本 Facebook:  https://www.facebook.com/FanBenhk/?fref=ts
免責聲明:
產品由 築地番本 提供, 本文章所發表的全部內容均屬個人意見,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

Carrie’s Facebook Fans Page: https://www.facebook.com/carrieweblog

沒有留言:

張貼留言