中西合壁的護髮產品 - 維特健靈 維新烏絲防脫洗髮露 及 烏絲精華液

中藥護髮已有長久歷史, 現今西方醫學倡明, 亦同時加入了中醫元素, 中西合壁, 為求達到更相得益彰的效果.

生完BB之後, 頭髮都甩得好勁, 每次洗完頭及吹頭後, 總係成個浴室都係頭髮. 所以我好注重脫髮問題, 亦有使用防脫髮產品.

今次接觸到維特健靈的Hair Product, 原來唔單單係中藥成份, 洗髮露仲係100%英國製造, 配方加入左精選西方植物精華, 真係中西合壁架!

維新烏絲防脫洗髮露成份包含了中草藥及西方植物精華, 例如何首烏、靈芝、墨旱蓮、薰衣草、迷迭香等, 選材天然, 避免過多化學成份刺激已受傷害的髮囊. 洗髮露能刺激頭皮血液循環, 強化頭皮組織, 有助髮囊吸收生髮營養, 增加頭髮生長速度及平衡頭油分泌, 令秀髮時刻保持清爽.

洗髮露係啡色, 帶金光閃閃的極幼細粒子. 短髮的我約需使用5元硬幣份量, 搽係濕髮上能輕易起泡, 只帶有十分輕微的中藥味道, 十分易於接受!

洗髮後不需要搽上護髮素, 頭髮十分輕盈而且帶豐厚的感覺, 頭皮不帶油脂, 仲無甘易出頭油. 整天都能保持得清爽, 連睡一晚過夜, 頭油只係好輕微!

如果本身頭油不嚴重或乾性髮質的朋友, 可以1星期用2-3次都得.

另外仲有一款不需過水的頭髮精華液 - 維新烏絲精華液, 幫助刺激頭髮生長, 成份同樣係中西合壁, 包括了中草藥首烏、牛蒡、丹蔘、艾葉及西方專利成份Capigen.

包裝內附帶了2款不同的配件, 長咀搽敷器及噴射搽敷器, 如果想單單使用係1個部位, 可以用長咀搽敷器. 如果範圍較廣的, 可以用噴射搽敷器.

使用維新烏絲精華液時, 建議同時按摩頭皮, 可以促進血液循環, 同時成份會效調節過多油脂分泌, 刺激頭髮生長.

我會用噴射搽敷器噴係前額的M字位, 因為掉髮明顯係呢2個位, 噴射咀噴一下已經足夠, 份量都幾多, 會多到流落黎, 所以一噴完我會立即按摩頭皮, 幫助吸收. 佢同樣無濃烈香味, 用係皮膚上亦無燙熱及刺痛感, 好溫和而且不留氣味.

用後頭髮一樣清爽, 噴多左都唔怕! 男士用完再SET頭都無問題! 建議早晚各使用一次, 效果更好!

維特健靈 Official Website 及專門店資料: https://www.vitagreen.com/zh/

免責聲明:

產品由 維特健靈 提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog

換個髮型, 煥然一新! - LUCIDO-L 試用專車之「美髮造型教室」！

上星期LUCIDO-L 試用專車係太子出現, 我上車玩左一節「美髮造型教室」, 仲即場做左MODEL添, 因為我本身頭髮又薄又幼, 所以頭髮會好貼頭形及面形, 導師只係單單用左個產品, 髮型就煥然一新了, 成個人唔同曬!

第一個產品先用了輕柔亮澤美髮油, 佢蘊含摩洛哥堅果油, 以如深海10,000米的高壓處理, 令髮油更易推開、均勻滲透每根髮絲, 令秀髮重現柔順亮澤, 彷如羽毛般輕盈, 於指間飛舞。

- 閃亮柔順觸感配方：於髮絲表面形成極薄保護膜，令髮絲柔順亮澤、輕爽不黏膩。

- 防禦紫外線配方：高效保護秀髮免受日光侵害。

- 抗熱力配方：保護秀髮免因吹髮而變得乾燥。

- 淡淡花香味，清新怡人。

先用佢黎保護髮絲, 踢走乾旱感, 仲有光澤係髮面, 而且香噴噴! 用後頭髮無感覺到有沈重感, 仲有D彈力添.

之後就可以開始造型啦, 今次用了豐盈空氣感髮蠟 (深粉紅色)黎改善頭髮扁平的情況.

豐盈空氣感髮蠟可以塑造豐盈空氣感, 方法如下:

[頭頂] 以指尖抓鬆及提拉髮根，塑造豐厚感。

[兩側] 由下向上抓握，均勻塗上髮蠟，加強豐盈效果。

只要提出少量放於掌塗勻, 再於頭髮上印上, 再”榨”亂頭髮, 就可以做出蓬鬆的感覺, 如果耐左而造型唔靚, 可以隨時再執執佢, 髮蠟唔會失效架.

最後要噴番一個定型噴霧, 我用上了Designing air持久定型噴霧, 能固定造型效果。若想加強某部份的定型效果, 可於該部份多噴幾次。

只係幾分鐘, 我成個人唔同曬啦!

Lucido-L仲有好多唔同造型產品, 上佢地FACEBOOK或WEBSITE睇下啦!

Lucido-L HK Facebook: https://www.facebook.com/LUCIDOL.HK/timeline

Lucido-L HK 網址：https://www.lucido-l.hk

免責聲明:

產品由Lucido-L提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog

改善頭髮開叉 – TRESemmé Split Remedy 分叉複合洗髮護髮系列

以前一見到頭髮開叉就會手起刀落, 立即剪左開叉既部份, 但原來開叉既頭髮再生長出黎都可能係開叉, 要針對問題, 就可以改用來自美國, 全新既TRESemmé Split Remedy 分叉複合洗髮護髮系列.

TRESemmé Split Remedy 分叉複合洗髮護髮系列有2個產品, 分別係洗髮露及護髮素. TRESemmé所有系統都係黑白配搭, 黑色就係洗髮露, 白色就係護髮素.

TRESemmé 全新 Split Remedy 分叉複合洗髮護髮系列，配方蘊含獨特成份Reconstructing Complex，含有正負電荷，吸附在帶有負電荷的受損秀髮上，令開叉的髮尾結合，秀髮更柔順閃亮、減少粗糙。配合 TRESemmé 分叉複合洗髮露及護髮素使用，可達至最佳複合分叉效果。

洗髮露是白色的, 帶在微香, 我係長髮都只需要一個5元硬幣就足夠. 洗髮露起泡力強, 泡沫豐富,按摩一陣就可以過水了.

把頭髮上的水份整乾少少, 就可以搽上護髮素, 護髮素同樣係白色既, 只需要搽在髮尾至髮中間就可以了, 要等待2-3分鐘, 就好像HAIR MASK一樣.

過水時已感覺到頭髮不會打結, 而且超柔順的! 把水份印乾, 頭髮十分有光澤, 打結情況完全無曬, 甩頭髮都少左D, 而且吹髮後的頭髮十分貼服, 毛燥問題改善不少, 用第1次已經愛上了!! 

已經連續用了幾日, 頭髮明顯聰話左, 細細條既頭髮唔會再飛起, 髮腳都無甘鬆散, 而且一整天都無打結, 而要改善開叉問題不是一時三刻可以見到, 相信要一段時間才看見了.

TRESemmé HK Facebook: https://www.facebook.com/TRESemme.HK

TRESemmé Official Website: http://www.tresemme.com/

TRESemmé Split Remedy 分叉複合洗髮露 $67.9 / 739ml

TRESemmé Split Remedy 分叉複合護髮素 $67.9 / 739ml

免責聲明:

產品由TRESemmé品牌提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。