送給自己/媽媽的一個好選擇 - Glamabox 5月份盒子

又黎到一年一度的母親節, 今次亦係自己做媽媽後的第1個母親節, 11個月大的他雖然未識得呢個係乜野節日, 而佢當日最鍾意就係玩弄我的禮物 – 我收的花…..

不過, 母親節梗係唔好待薄自己, Glamabox的5月盒子就有齊護膚, 護髮及美肌飲料, 一盒有8個產品, 抽D時間去善待自己!

今個月的盒子內有:

- Noelle – 青檸柚子身體磨砂 180 ml

- Royal Skin – 動物面膜 1片 (熊貓)

- Ysyoo – 1分鐘奇蹟炫彩CC霜 SPF 30 PA++ 50 ml

- Michael Todd True Organic – 豐富南瓜精華面膜 30ml + 有機卸妝棉 30片

- Filare – Collagen filato純天然骨膠原綿球 x 3 + 專用精華液 5ml

- 萃綠檸檬酵素精萃液–萃綠檸檬 L80酵素精萃液 20 ml x 3

- LSnP – 水漾修護洗髮露10ml＋水漾修護潤髮乳10ml

- RE:CIPE – 薏仁舒緩有機潔面泥10g

讓我每一樣產品都介紹一下罷~

Noelle青檸柚子身體磨砂

青檸柚子身體磨砂加入青檸及柚子精華, 淡淡清香立刻發揮舒緩提神效果。蘊含的幼細蔗糖微粒有效乳化肌膚, 同時溫和去角質, 令肌膚立刻變得白嫩柔滑。特別添加緊緻活膚複合配方、維他命C及E、與蘆薈成份, 有效抗氧化、延緩衰老，令肌膚重現緊緻光澤。

打開蓋已經散出淡淡柚子味, 我最愛!!! 磨砂粒子大小適中, 有少少油份的TEXTURE更安心地按摩, 皮膚用後有少少光澤, 有少少保濕功效, 我建議係SPA後做磨砂, 因為更易去除角質, 皮膚更白滑呀!

Royal Skin動物面膜 1片 (熊貓)

終於可以試到近來大熱的AMINAL MASK, 今次我羅到熊貓!

動物面膜含有透明質酸及膠原蛋白精華液, 能有效為皮膚補充足夠營養, 為皮膚補充水份及賦予活力, 塑造滋潤而華麗的肌膚。同時改善膚色不均, 令暗沉的膚色變得明亮。

打開MASK, 整個CUTTING仲有埋耳仔, 好可愛呀!! Royal Skin有不同動物MASK, 功效都係一樣的, 保濕及滋潤度都可以, 但記得敷MASK時唔好關燈去嚇人呀!!

Ysyoo – 1分鐘奇蹟炫彩CC霜 SPF 30 PA++

盒子內有1支貨size及2個sample size, 分別係2個不同色的, 我覺得有色揀應該似係BB CREAM. 打開PACKING, 係一個有色的CREAM, 質地好易推, 就算打圈搽都無問題, 遮暇效果最開頭好明顯, 慢慢地CC CREAM會跟皮膚顏色溶合, 遮暇效果就變差了. 不過整體膚色提亮左, 平均左及少少白左. 而且保濕力及持久度都唔錯.

Michael Todd True Organic - 有機卸妝棉

成份包括黃瓜, 混合洋甘菊、金盞花、椰子和蘆薈, 於卸妝同時提供清新感覺。

打開包括已聞到一陣陣的青瓜味, 一間約2個手掌大小, 卸妝棉不太濕, 我個人覺得乾左少少, 不過卸妝棉的質地好軟滑, 係面上抹都幾舒服, 無粗糙感, 抹一下已可以將剛才的CC CREAM抹掉, 之後不需要再過水及搽FACE CREAM. 我係冷氣房一整晚都唔覺得乾, 帶佢出街好方便呢!

Michael Todd True Organic - 豐富南瓜精華面膜

採用營養豐富的南瓜和甘醇酸, 滋潤及緊緻肌膚, 讓肌膚光澤有彈性, 改善細紋和皺紋。

洗乾淨面就可以搽上去, 顏色真係同南瓜一樣, 不過一搽左上面就有拮的感覺, 拮左1分鐘左右就好DD了, 靜待15分鐘左右, 用清水沖洗, 面部皮膚真係滑左同細緻左, 我覺得幾好用喎!

Filare – Collagen filato純天然骨膠原綿球 x 3 + 專用精華液 5ml

佢係全球首創、革新的保濕方法以專利技術, 將天然骨膠原轉化成纖維的形態,成功保存當中的三重螺旋構造。天然骨膠原在臉上形成薄膜能有效阻止水份流失、改善因乾燥受損的肌膚及減淡細紋。

一個小盒有一粒天然骨膠原波波, 好似棉花糖一樣, 加入專用精華液要慢慢的攪拌及輕壓, 先可以令波波完全溶解, 而且專用精華液份量要控制好, 太少會攪唔到, 太多攪完都太稀.

搽上面好似有一層保護膜甘, 過一陣先吸收得曬, 仲FEEL到D緊緊地添, 可以留一D搽第2層~

萃綠檸檬 L80酵素精萃液

酵素由飲用至製成清潔液都受到好評, 今次試了來自台灣的萃綠檸檬 L80酵素精萃液, 選用來自屏東最佳的檸檬而製。栽種過程合乎自然條件, 並透過生物科技頂尖製造技術, 無防腐劑、無塑化劑、無糖發酵、無醋酸、無水, 100%天然檸檬無添加任何化學物質。能促進新陳代謝, 排毒, 美肌等等.

一支萃綠檸檬 L80酵素有20ML, 可以一口服用, 或加於溫水中飲用, 我個人較鍾意一次飲用, 味道好酸好酸, 飲用後口腔有淡淡的檸檬味, 都幾舒適, 每日飲用1-3瓶都可以, 我就每日1瓶做TEA TIME, 酸味可以令我減少口痕機會呀!

LSnP – 水漾修護洗髮露10ml＋水漾修護潤髮乳10ml

起泡力唔錯, Conditioner都OK, 只係用洗髮露都夠水潤~~

RE:CIPE – 薏仁舒緩有機潔面泥

早前的盒子亦試過了, 一盒可以用3-4次當洗面膏, 或1-2次面膜, 我比較鍾意當佢係MASK, 沖涼前先敷上, 最後才洗面, 皮膚滑滑的, 唔錯架!

而且Glamabox定期都會推出不同品牌及Topic既盒子俾大家去選購, 要密切留意啦!

Glamabox購買網址: http://hk.glamaclub.com/

Glamabox Facebook: https://www.facebook.com/glamaclub

免責聲明:

產品由 Glamaclub 提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog

寶寶有口福 - 荷蘭美素佳兒Friso奶米粉 (附食譜)

BB由初生至6個月大, 佢地都只係飲奶就足夠, 但當6個月之後, 就應該慢慢加入固體食物, 第一樣可以試的就係米糊, 因為TEXTURE可以自行調較, 慢慢的增加稀杰度, 俾佢地"第一口"的固體食物! 同時米糊都可以加入其他食材, 同樣整得好好味架!!

市面上好多米糊都要加入奶粉沖製, 而Friso的米糊(又名奶米粉)已經加入奶粉, 節省一個步驟, 更方便. Friso的米糊亦包括了以下多種營養素, 讓寶寶吸收足夠營養:

鈣:有助骨骼及牙齒的發育

鐵:有助血紅細胞的形成

碘:有助腦部及神經系統發展

我剛剛參加左Friso為媽媽準備的Cooking Class, 學習自制美味的奶米粉美食, 仲可以同BB一齊食, 增加親子機會, 享受溫馨家庭樂!

Friso奶米粉適合6-36月大的BB, 今次我地都整左3個不同階段的美食, 配合BB不同階段的成長需要, 加入不同食材於Friso奶米粉中, 就可以變成又靚又好味的食物~ 個樣靚, BB自然更想食~

FOR  6個月以上BB - 吞拿魚甘荀奶米糊

食材有: Friso奶米粉, 吞拿魚, 甘荀

呢個係最簡單的食譜, 最岩俾岩岩試固體的BB, 將吞拿魚及甘荀蒸熟, 再將佢地切成碎, 初初俾BB試最好磨成蓉.

再另外將Friso奶米粉加入暖水開好, 只需把吞拿魚蓉及甘荀蓉攪拌好, 放於奶米糊上即可.

可以自己砌成圖案, BB見到可以提高食慾!

FOR  8-12個月以上BB – 4色千層他他

食材有: Friso奶米粉, 菠菜, 紫色蕃薯, 黃色蕃薯, 雞肉, 字母粉, 粟米蓉, 蛋黃

先將菠菜放於滾水煮2分鐘, 再取出切成菠菜蓉. 同時紫色蕃薯, 黃色蕃薯, 雞肉及粟米蒸熟, 再壓成蓉或切成小粒. 字母粉要先煮軟.

再把Friso奶米粉加入暖水開好, 放入微暖的鍋內以慢火慢慢攪拌, 令奶米糊更滑, 再加入蛋黃, 字母粉及雞肉, 以中火煮1分鐘至滾起有泡泡, 即可關火.

最後, 用模具把一層層不同顏色的食材疊起, 最後再放上煮好的奶米糊即成!

FOR  12個月以上BB – 麵包布甸

食材有: Friso奶米粉, 雞蛋(全隻), 麵包粒, 芝麻粉, 香蕉, 紅莓乾

做法: 先用暖水開好奶米粉, 再加入整隻蛋攪拌. 同時把香蕉及紅莓乾切成小粒. 先放少量奶米糊於器皿內, 放一層麵包粒, 香蕉粒, 芝麻粉及少量紅莓乾, 再加奶米糊至覆蓋全部食材. 再可以放上第2層麵包粒及紅莓乾作點綴, 就可以放入焗爐了.

整好3個美食, 就輪到我地一家坐好開餐啦! 我覺得最好味係麵包布甸, 大人同BB都一樣岩食, 多謝Friso安排一個溫馨的Cooking Class俾我地呀!!

更多食譜可以參考以下網址:

http://cereal.friso.com.hk/#solid-food-introduction-tips

免責聲明:

產品由 美素佳兒Friso 提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog

高效防曬, 同樣清爽 - KOSE COSMEPORT SUNCUT 2-WAY 水感防曬產品

太陽伯伯愈勤力, 我地保護皮膚都要更加小心留神, 我揀PRODUCT最緊要易用而且唔笠, 又夠足夠保護, 無礦物油, 無色素, 無香料, 無酒精!

今次我試用左來自日本的KOSE COSMEPORT SUNCUT水感防曬產品, 好好用呀!

KOSE COSMEPORT SUNCUT高效防曬水感啫喱用上日本防曬系數最高指標 (SPF50+ 及 PA++++), 添加 10 種美肌精華, 括橙花精華及溫泉水精華等, 同時控油、而且能舒緩及鎮靜肌膚.

佢係少少杰身的乳液狀, 質地十分細滑, 無香味的, 一搽一抹, 十分薄身!! 極少份量已夠搽全面, 搽上防曬水感啫喱後, 感覺保濕度幾好, 唔會笠而且清爽, 皮膚由早上到下午的滋潤度都好好, 亦無出油同感覺乾燥, 連我比較敏感的皮膚都用到!!

原來產品添加礦物粉及清爽蜜粉, 做makeup base係不錯的選擇!

如果外出去游水或要補妝, 可以揀SUNCUT高效防曬水潤噴霧系列, 今次試用了2種唔同的防曬噴霧, 一支有淡淡的花香味, 一支是無味的, 同樣有SPF50+ 及 PA++++防曬保護.

防曬噴霧同樣加入了 10 種美肌精華, 包括山金車花提取物、馬尾草精華和金縷梅提取物等, 持續滋潤皮膚, 而且無酒精成份, 面部、肩頸、頭髮均可使用, 噴霧裝較輕鬆為頭髮做防曬! 配方亦係防水防汗, 及易卸的, 普通潔膚產品也可清洗乾淨.

噴霧設計亦可以倒轉噴出, 自己噴背脊都無難度!

一支是有淡淡花香味, 而噴出來感覺有一點點冰感的, 但冰感不明顯, 噴於手上有一丁點光澤感, 皮膚感覺清爽的.

另一支沒有香味, 一樣噴於手上有一丁點光澤感, 皮膚感覺都係清爽的.

細支的冰感花香噴霧可以方便帶出街, 亦可以於補妝時噴上, 而大支的可以留係屋企用!

銷售點: 於屈臣氏、莎莎及各大百貨公司有售。

售價:

SUNCUT 高效防曬水感啫喱 SPF 50+ PA++++ (100g) $65

高效冰感防曬噴霧 SPF 50+ PA++++ (花香) / 高效防曬噴霧 SPF 50+ PA++++ (無味/清香/柑橘香) (50g) – 各 $59

高效防曬噴霧 SPF 50+ PA++++ (無味) (90g) - $79

KOSÉ COSMEPORT Hong Kong Facebook : https://www.facebook.com/kosecosmeporthk

免責聲明:

產品由KOSÉ 提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog