刺身及炸物做得好出色 - 七福神和食亭 (佐敦)

回到舊公司附近行街, 泊好車想搵左野食先, 我記得有一間日本野食開左好耐, 應該係呢間掛...

樓下有個飛仔店員叫我地就甘上去, 行樓梯上到去, 店員指一指窗邊SOFA位, 自己埋去坐啦.

有窗邊位, 最岩BB係到睇車車. 見環境同坐得都幾舒服, 決定HEA下叫多D小食, 唔食飯麵啦. 職員話有生蠔, 仲叫左少少刺身.

生蠔有Gillardeau, 較creamy的.另有Coffin Bay, 較咸. 2隻生蠔上碟都好冰

凍,Gillardeau真係幾 creamy不過無咩味. Coffin Bay真係勁咸.

刺身點了甜蝦, 三文魚及蟑紅, 刺身就真係好新鮮.

鐵板牛柳粒粒燒 - 燒汁好好味, 牛肉味十足, 岩岩好熟唔會過熟, 碟中間的薯蓉有用牛油整, 好香好滑, BB好鍾意食!

墨魚咀唐揚 - 一粒粒圓波波的墨魚咀, 一樣炸得香口鬆脆, 十分好味!

炸蝦天婦羅 - 一碟6隻, 炸得十分香脆, 但天婦羅汁太咸了, 有D似豉油, 好在單食炸蝦都好OK, 好好食!

串燒 (有牛舌, 豬頸肉, 雞翼, 冬菇, 青椒) - 牛舌仲有少少JUICY, 但外皮都係太乾. 其

他都燒得過份的乾物, 豬頸肉好似食豬肉乾甘. 冬菇無曬汁. 有點失望.

燒三文魚孖寶雙拼 - 一心諗住俾BB食. 點知2隻都係炸的, 魚腩肥肉較多, 所以仲幾香口.

魚骨就炸得極乾, 無曬汁. 不過如果送啤酒又會好正!

最後食埋甜品, 叫了一個椰子雪芭及荔枝汁梳打.

椰子雪芭 - 好正, 好香椰子味, 食到唔停口!
荔枝汁梳打 - 唔太甜, 有一粒荔枝肉, 都係糖醬荔枝汁黎.

OVERALL刺身及炸物做得好出色, 環境真係舒服, 坐得闊落, 佢本身有一間房仔, 如果包房

一齊飲下酒傾計都好好. 店員都跟得幾足同快手.

有機會再去!