親子活動: 訓練專注力/手眼協調/想像力 - 5000積木 Workshop @ Ludus Club

上星期再一次黎到Ludus Club玩新野, 今次係準備左5000塊大積木俾小朋友及家長一齊任意發揮!

相信積本係所有小朋友必備的玩具, 係健康院一歲的測試, 姑娘都會用疊積木去評估幼兒的發展情況.

疊積木除左係關於手眼的協調, 訓練寶寶的專注力和細心度, 亦加深孩子認識空間概念, 並讓小朋友發揮無窮想像力, 積木係其中一個重要的玩具!

而一大班小朋友一齊玩積木, 更加可以訓練團體合作, 建立人際溝通經驗 及 嘗試失敗/成功感的好地方.

黎到Ludus, 積木已經等緊我地, 放滿了整個indoor playgroud. 囝囝第一次玩甘大塊積木呀!

囝囝慢慢一塊塊疊高, 佢更加ENJOY『撃倒』一棟積木塔!

連爸爸都落手睇下可以點樣砌積木.

我地就砌左個"失敗"的拱橋, 就用手壓住讓囝囝爬過去, 佢仲好開心爬左幾次添!

囝囝鍾意玩車車, 我地就自備車仔, 把積木砌成跑道, 不過囝囝就當自己係車仔, 玩具車仔係積木上行~

另一邊的家長砌左一條橋, 2個小孩子一起玩呵~~

爸爸再發揮小創意, 砌了一條L形賽道, 囝囝係上面推車仔, 不知幾開心!!

有其他大哥哥姐姐砌左1個好高的圍牆, 囝囝走去門口坐係到, 扮係佢砌架~

最後, 我地要合力把所有積木, 以最快速度砌成一幅大圍牆, 把全部人包圍起來, 再一齊推倒!

玩完, 都要合作把所有積木係牆邊砌高, 方便收起送回木廠~

積木係由有70年歷史，位於古洞的志記鎅木廠借出的. 原來志記鎅木廠差不多是香港最後一間了, 老闆仲會有導賞團, 可以帶學生參觀木廠.

志記鎅木廠: https://goo.gl/K7xqJh

Ludus Club仲有好多唔同主題的workshop玩架, 大家可以留意佢FACEBOOK:

https://www.facebook.com/ludusclub.kidz

免責聲明:

產品/課程由Ludus Club提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog

與眾不同的Playgroup - Toddler 親子啟蒙班 @ Ludus Club

無記錯囝囝岩岩識坐, 我已經開始帶佢一星期上一次Playgroup, 點解?

因為新手媽媽, 真係好需要學習, 有專業的老師指導, 可以俾到好多Hints去參考及學習, 了解每個不同年齡的需要, 知道有乜野教材去幫助BB成長及有利發展. 父母一齊上堂, 同時可以增進親子關係, 更多互動!

上個月我岩岩同囝囝參加完Ludus Club所舉辦的Playgroup, 名為<< Toddler 親子啟蒙班 >>.

課程由Ludus Kindergarten 念蘅幼稚園的現任老師任教, 中英雙語各一半時間. 課堂包括了Warm up時間, 唱遊, Story Time, 小手工, 茶點, 排洗, 大小肌活動, Explore Time等等.

Playgroup使用念蘅幼稚園的課室,  一邊地下放有Playmat, 一邊係枱櫈, 放滿不同教材及玩具, 整個課室色彩繽紛, 我自己都好想入去玩埋一份.

 每次開始, 老師會先帶頭唱Welcome songs, 大家打招呼先warm up一下.

接住會有小手工, 甘岩撞正母親節, 學校安排了小朋友貼一盤花俾媽媽, 用膠水可以訓練感統, 貼皺紙係訓練小手肌, 仲可以幫花花上顏色, 來個視覺及藝術創作!!

另一次上堂係玩MESSY PAINT, 大家係大畫紙上自由發揮, 老師提供不同材質的畫紙俾小朋友觸摸, 再搓成紙球當印章. 囝囝就把紙卷成一支筆黎亂畫, 盡情發揮創意!

接住有排洗時間, 小朋友學習排隊去洗手間, 入洗手間前要穿上拖鞋, 十分衛生!! 連每個水龍頭都有不同開關方法, 小朋友又可以練習小手肌!

當然不少得中段的茶點時間. 幼稚園使用玻璃樽及玻璃杯, 絕不怕打爛, 寧可為小朋友製造更真實的環境. 要求小朋友自己用夾子夾餅, 飲水及執拾, 訓練自理能力.

後段是英文堂, 會由外籍英語教師任教, 我地試過講故事, 玩彩虹傘, 更在彩虹傘上玩波波, 小朋友又可以呢埋係彩虹傘下面, 極之開心.

最驚喜係囝囝第一次係Playgroup可以玩冰玩水!! 有一次老師教不同的海洋動物, 途中仲有一盤加入冰塊的大水盤, 放滿了不同的海洋動物, 一邊教動物, 小朋友一邊玩, 大家都唔怕濕身, 十分投入.

 有一次傻媽記錯左上課時間, 老師帶我地先去圖書館睇書. 其藏書量真係驚人, 中英文書都齊備, 囝囝差D睇到唔想走!

 而且幼稚園的功具真係特別岩小朋友用, 畫筆, 把手, 夾子, 手瓶都岩曬小朋友自己去handle!

短短的1小時15分鐘, 概括的內容 十分全面, 真係幼稚園的小縮影, 十分適合快將上幼稚園的小朋友, 推介!!

更多課程資料可以參考呢到: http://www.ludusclub.com/page.php?cat_id=2&c_detail=42

念蘅幼稚園Ludus Kindergarten Website: http://www.ludus.edu.hk/

Ludus Club : http://www.ludusclub.com/

Ludus Club Facebook: https://www.facebook.com/ludusclub.kidz

免責聲明:

產品/課程由Ludus Club提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog

親子活動:「污糟」藝術工作坊 Artistic Mess @ Ludus Club

由囝囝出世到開始, 我一直都有帶佢上playgroup, 同朋友仔約埋集體活動, 希望幫到佢接觸唔同事物, 刺激佢各個感觀及認識世界.

顏色係其中一樣刺激小朋友感觀的元素, 亦可以話係ART的一種. 岩岩係上星期, 我帶佢去玩左一個有關顏色的另類活動 – MESSY PAINT!!

係屋企要玩MESSY PAINT真係有D難度, 最怕整到四圍都污穢曬又難清潔. 如果出街玩就可以盡情放任, 比較少限制性.

今次黎到九龍城的Ludus Club, 參加左一個「污糟」藝術工作坊 Artistic Mess. 利用油彩於大型畫紙上進行集體「污糟」創作, 開發情感表達的多元色彩及形態, 成就繽紛想像力及鼓勵創新思維。

Ludus Club本身就係Ludus Kindergarten 念蘅幼稚園, 一所非常新, 而且有非常好的硬件配置, 我地今次就係幼稚園的HALL玩MESSY PAINT.

黎到已經見到地下貼好了大畫紙, 一邊係水盤, 另一邊有Kinetic Sand沙盤 及BUBBLE紙, BUBBLE紙上仲有七彩playdoh波波.

水盤入面仲有不同形態的玩具, 有毛毛波, 發泡膠車仔, 水樽, 海棉, 杯 等等.

Kinetic Sand沙盤入面有不同動物模型.

BUBBLE紙下面有七彩布, 小朋友係上面行, BUBBLE一路爆, 又會啪有聲有感覺, 囝囝仲係上面跑添, 刺激感觀及觸覺!

玩左一陣, 大家安排齊集係檯仔, 準備用Ludus Club自製的顏色冰粒畫畫, 冰粒上係木衣夾, 小朋友咋實衣夾就可以亂畫, 仲可以畫係手再印上畫紙, 估唔到冰粒都可以甘樣玩!

而且仲可以將油漆夾係化妝棉中間, 大力一拍, 油漆四濺於畫紙上, 過癮!!

之後黎到集體「污糟」創作, 大家係不同顏色的油漆盤中, 用身體做工具, 隨意畫係地上, 手板, 手指, 腳板都用齊, 仲有其他工具提供, 好似印章, 海棉轆, 足球等等.

最後壓軸高潮, 就係油漆唧筒!! 大家可以羅不同色的唧筒四圍噴, 囝囝同朋友仔全身都沾滿了七彩油漆, 大家都係到尖叫, 真係好開心!!

最後Ludus Club好窩心地準備了一箱暖毛巾俾大家清潔手腳, 所有油漆都係水性Washable, 一抹就甩色, 玩得好放心!!

真係要一提, Ludus Club所有員工都好NICE好有愛心, 好鍾意同小朋友互動添!

Ludus Club仲有MESSY PAINT玩架, 大家可以留意佢FACEBOOK:

https://www.facebook.com/ludusclub.kidz

免責聲明:

產品/課程由Ludus Club提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog