顯示具有 lip gloss 標籤的文章。 顯示所有文章
顯示具有 lip gloss 標籤的文章。 顯示所有文章

2013年6月9日 星期日

24種色調任你配 – Shu uemura植村秀gloss unlimited豐潤持久唇蜜

咀咀成日講野又食野, 又乾又裂邊會好睇架, 所以女仔最少要有一支潤唇膏或者唇膏隨身帶備,今年植村秀更加推出全新既唇蜜系列, 仲有24隻色俾你配襯, 保護咀咀仲可以玩埋色添, 你仲唔黎TRY TRY!

植村秀全新gloss unlimited豐潤持久唇蜜,備有24款迷人色調。全新3D唇形記憶啫喱及創新塗抹棒,一抹輕易打造水嫩豐潤juicy lips!
含有植物油配方的保濕活性複合成分,形成一層特別舒緩滋潤的保護膜,深層保濕令雙唇持續6小時保持舒緩,細滑豐潤。 保濕活性複合物含有3款滋潤活性成分,能潤澤及保護脆弱雙唇。

1.
全新蓮花精華有效阻擋外來侵擾。
2.
玻尿酸球體能延長保濕時間。
3.
神經醯胺,神經醯胺屬於脂質分子,由鞘氨醇、細胞膜脂質和脂肪酸組成。神經醯胺能向分子發出多個細胞訊號,有效預防皮膚脫水。
24色中仲分左3個不同既色系, 包括微光, 閃亮及清透 3個色系. 今次我收到既試用品係屬於微光系既CR10S色. 
CR10S色帶有極幼細既閃光粉末, 搽上後分佈平衡, 絕不明顯. 最可愛就係創新塗抹棒, 跟咀咀一樣是唇形的呀!


咀咀形塗抹棒在咀山位等都易於控制, 而且取一次是剛好足以一個咀咀的份量, 不多亦不少!
看看2張相片, 差別只是在咀咀有沒有唇彩, 兩者差距甚遠呀!

植村秀全新gloss unlimited豐潤持久唇蜜真的很滋潤, 遮蓋唇紋一流, 整個咀咀都豐盈亮澤!
 
植村秀全新gloss unlimited豐潤持久唇蜜
共24色
容量: 4.5ml
售價: HK$190

2012年6月10日 星期日

自然粉色 遮蓋唇紋 - LANCOME Color Fever Lip Gloss #334 動感唇彩

今次有資助, 可以親自選擇任何品牌既LIP GLOSS去試用, 雖只是資助$100, 但可以選擇自己想試既品牌, 我已經好興奮啦!

我今次揀左LANCOME Color Fever Lip Gloss #334 動感唇彩, LANCOME搵黎大熱女星Harry Porter的"妙麗"Emma Watson做代言人, 我被佢既螢光粉紅色咀吸引左好耐了.

去到COUNTER, 可惜我接受不了螢光粉紅色, 反面被最BASIC的粉紅色吸引了. 

就係#334色, 自然的, 可愛, 無閃粉, 一試愛上.
簡單的一支方柱形包裝, 平實不誇張, 刷頭是三角形的, 輕易使用.

一拉出來的份量已足夠搽一個咀.
未搽任何東西前, 咀咀可以見到好多紋.

搽曬2片咀唇, 光澤度幾高, 而且可以遮蓋大部份唇紋.

色擇跟包裝色都好似, 不過遮蓋度就一般, 還可以見到唇邊深色地方.
我身邊剛好有支私伙既Clinique臘筆係手, Watermelon色, 都係粉紅色的, 我發現一齊用有更好效果.
搽在手上, Clinique Watermelon色都幾上色, 再在上面搽多一層Lancome Color Fever Lip Gloss #334, 底色更實色.
搽上咀俾你地睇下, 更實色既粉紅再加粉紅GLOSS, 我覺得仲好睇.

Lancome Color Fever Lip Gloss #334 只賣$200, 抵用呀! 去街我會搽左佢先.

Clinique 臘筆 Chubby Stick Moisturizing Lip Color Balm 賣$130, 我會當佢係有色潤唇膏用.