10年科研抗皺產品 - Vichy Lift Activ Serum 10 肌源再生10號精華

今年9月份Vichy全新推出一支突破性既抗衰老產品, 用左10年既科研成果, 7項專利, 6篇皮膚科醫學期刊發表, 2項活體細胞實證、7項臨床證實有效及800位敏感性肌膚受測者產品測試！再配合10%高效精華濃度(巴西銀樺樹Rhamnose萃取), 只需要10分鐘就可以減淡10%皺紋, 聲稱1個月內可2減淡5大皺紋,包括眼週, 魚尾紋, 頸紋, 額前及法令紋. 係咪好吸引呢~

今次新出既肌源再生系列仲得到近萬位國際知名既皮膚科醫生認可其功效! 全線產品都無添加Parabens類防腐劑, 亦通過敏感肌測試.

大家知唔知當你既年紀一直增加, 真皮層會有咩改變呢, 睇下呢個圖~

以下係10%高效精華濃度(巴西銀樺樹Rhamnose萃取)既圖解:

一支$390/30ml既精華素得到有以上功效同認同, 值得試用呀!

打開包裝, Vichy Lift Activ Serum 10 肌源再生10號精華係用滴管式設計, 按一下頭頂白色既pump就可以取出適合既份量. 不過用此設計, 用到最尾要自行倒轉瓶樽才不浪費了.

精華素係乳液狀的, 微香, 大約3滴就可以搽勻全面啦, 搽勻後要等待一段時間才完完全全吸收, 感覺有一點笠, 不算是爽身的一類. 但保濕度的確好高!

用左9日, 肌膚滋潤度高左, 再睇睇眼下面d細紋, 有一點點的減輕了!

以下呢張係用前~

 以下呢張係9日後~

去皺產品要長期使用才見明顯效果, 相信一支30ml既精華素大約可用2個月, 用完一支應該會見到成效,價錢也不貴, 到Vichy專門店購買更可以即時做會員, 有更多sample送及購物優惠.

肌源再生系列仲有以下2個產品架~

係呢到有一段Vichy Lift Activ Serum 10介紹既片段 (英文), 有興趣可以去睇下:

https://www.facebook.com/vichyhk?sk=app_247100048666957

14日極速瘦身 - Elancyl Cellulite Offensive 14 days 14日速效纖體精華

瘦身最快瘦會係邊個位?

我, 最快瘦就係.....胸! 


我最想減的是手臂! 做運動差不多半年了, 手臂還是一樣肥肥肥!

當我看到2個月前未執相的pre-wedding photos, 真想用刀把我手臂切出來!! 

肯好8月時在facebook取得Elancyl Cellulite Offensive 14 days 14日速效纖體精華, 我就用佢黎主打我既肥手臂!

BA姐姐話只需要早上用佢黎按摩手臂, 由下面上的推, 再推到"隔拉底"要按壓淋巴位, 就可以KEEP住24小時幫我消脂.

包14日見到效果! 真係甘勁?

網上CHECK到Elancyl Cellulite Offensive 14 days 14日速效纖體精華既INFORMATION:

超高效緊緻配方，搭配獨特胺基酸速效導入機制，有效緊實平華全身肌膚，改 善鬆弛現象，促進肌膚光滑有彈性。

一天一次，效果持續一整天。   日夜雙效配方，有效緊實改善鬆弛肌膚。   獨特速效導入機制，有效做用好吸收。   質地清新意塗抹，保濕清爽不油膩。   實驗證明緊實滿意度87%。

立即釋放日間配方 :  咖啡因、回覆因子、常春藤萃取、PEG(親膚因子)、尿素。   持續釋放夜間配方 :  蘋果枝幹萃取物、H M C、山柳菊萃取物。

一天一次，白天使用效果最佳，取適量塗抹於手臂上 大腿 臀部或腹部上等身體肌膚欲緊實之部位至吸收即可。

第2朝已經急不及待開封試用啦!

一支長長瘦瘦既綠色玻璃瓶, 連禁出黎都係綠色既乳液, 好重既草本香味!

大約1 1/2PUMP已經可以搽勻一隻手臂.

按摩2下已經好快吸收, 吸收後好清爽, 但唔會令皮膚乾爭爭, 幾滋潤, 又唔會痴住件衫. 

因為係早上搽, 起初都擔心要等佢吸收影響早上緊張的上班時間, 真係令我大大放心!

佢唔似平時其他瘦身產品會有火燒或熱既感覺, 完全似足BODY LOTION.

而且用了Elancyl Cellulite Offensive 14 days 14日速效纖體精華, 完全唔會噴香水出街添!

佢既香味可以KEEP到大半日! 真係好LONG LASTING! 唔知香味係咪等於佢係到WORK緊呢! :P

用左1星期左右, 已經感覺手臂既肥脂肪無甘鬆, 舉起手臂舊BYE BYE肉FIRM左D

2星期左右, BYE BYE肉再實左, 望落無甘水腫, FIRM左.

我以前用過更貴既瘦身LOTION, 效果都無Elancyl Cellulite Offensive 14 days 14日速效纖體精華甘出色!

Elancyl Cellulite Offensive 14 days 14日速效纖體精華可以係Sasa搵到架! $330/100ML, 唔係貴!

或者去Elancyl香港代理既facebook睇下 : http://www.facebook.com/Elancyl.hk

要靚, 一支就攪掂! Oregon Scientific Platinum Beauty Roller 鉑金美膚按摩棒

近日身邊的姊妹都講起按摩棒, 台灣大陸都出左各色各樣, 大大細細既按摩棒, 什麼形狀都有, 平至幾十蚊, 中價百幾數都好多選擇.

而近日見到連香港專賣健康用品既Oregon Scientific, 都引進左日本一支專貴版既按摩棒, 售價高達$1880!

睇下佢有幾work!

本身Oregon Scientific Platinum Beauty Roller 鉑金美膚按摩棒有2隻色架, 紅色及白色. 我就試用了紅色~ 其實只係外殼既顏色有別者~

盒內附送一個袋仔, 俾你隨時隨地帶出街!

Oregon Scientific Platinum Beauty Roller 鉑金美膚按摩棒有2個頭, 一邊係Platinum Roller, 佢好似一個三角形既設計, 用黎先按摩皮膚, 提供有效既按摩運動.

再配合埋佢既特別物料, 有鉑金線同Badgastein mineral礦石物質, 當你按摩轉動roller既時候產生負離子效能.

聽落已經覺得好勁! 真係好Scientific!!

另一邊都唔弱架, 係按摩後使用既. 甘平滑就知道佢係用黎撫平細紋既按摩轉. 可以舒緩表面肌膚, 亦能收緊面部肌肉同頸部曲線, 減少細紋形成.

呢邊roller係用高份子陶瓷合金製造架!

Oregon Scientific Platinum Beauty Roller 鉑金美膚按摩棒可以隨時隨地使用架.

好似起身洗面後, 先用鉑金美膚按摩棒可以令搽謢膚品天吸收, 及提升謢膚品既效果.

亦可以返工時用, 休息時按摩一下皮膚, 又神氣活現.

化妝前用更好, 可以令妝容更貼!

訓教前又得, 可以先搽上水溶性既面霜黎按摩.

當用按摩棒時, 記得由下而上, 內至外甘按摩, 有助提升面形.

按摩棒設計有彈性, 大力使用都會幫你自動調節, 唔會過份大力傷害皮膚.

佢既Rhythmic massage真係好舒服, 轉動時凹凸既感覺幫助血液循環, 亦可以幫助通淋巴. 仲邊駛去美容院呢!

另一邊既按摩轉, 開頭感覺有d冷冰冰, 有助舒緩我2邊面面既泛紅.

按摩轉表面好滑, "轆"上面特別舒服, 動作都係同按摩棒一樣, 要由下而上, 內至外甘轆.

平時我會訓教前用佢, 我覺得真係會幫助吸收之後使用既謢膚品.

而上星期我影pre-wedding, 上妝前先用佢, 化妝師都話我皮膚好好, 好易上妝.

每次只需要幾分鐘, 皮膚在幾個星期時間變得好左, 毛孔有明顯收緊及改善. 我最鍾意佢可以幫我通淋巴!

原來星級化妝師Gary Chung都係TVB介紹過呢支Oregon Scientific Platinum Beauty Roller 鉑金美膚按摩棒架!

http://mytv.tvb.com/variety/allthingsgirl/117612/943#page-1

聽講係佢真金白銀買入, 再上TVB介紹! 大家可以係呢條LINK搵到佢既VIDEO.

 

再見包包面(第2回) - Clarins 纖顏緊緻精華

就黎過左1個月啦, 大家有無記得我早前介紹過既Clarins 纖顏緊緻精華呢? 

Clarins 纖顏緊緻精華入面既草本成份, 可以幫助面部分解脂肪, 刺激去水腫自然機制, 做到循環排水, 同時控制面部脂肪細胞轉仳成儲存脂肪的活性脂肪細胞!
邊隻草本成份甘勁, 就係冠茾花, 娑羅果同埋亞馬遜巴香草~

我早上會先用左Clarins 纖顏緊緻精華先出門口返工去街架, 每日3分鐘左右啦, 先把Clarins 纖顏緊緻精華放係2隻手掌再打圈把精華微暖, 再用上Clarins獨有既按壓手法塗上面上.

因為屋企得我1個, 真係好難影到我點用上面呀....

不過係到講都好簡單架者, 看把手肘放係膝上, 2隻手掌先在額頭左右按3秒, 再往下移, 眼部, 下巴, 再往後走, 2邊耳背, 耳仔....

其實按壓過程中可以幫助通淋巴, 配合Clarins 纖顏緊緻精華就雙管齊下甘解啦!

3個星期啦, 我覺得自己既鰓位firm左, 你地覺得呢?

不過一提, Clarins 纖顏緊緻精華既香味太濃郁了, 過了大半天仍留有香味. 近日我皮膚開始不穩定, 對香味較重的護膚品產生敏感反應, Clarins 纖顏緊緻精華係其中一隻.

皮膚易敏感既sis記得先試用tester先~

The Body Shop全新絲滑礦物粉底系列 試用活動 (第一次參加記招發佈會!)

今次係Lady Qooza安排既活動, 因為係下午時段, 我請左半日假出席活動, 去到會場, 先知道今次係記者發佈會, 到場的除左50位bloggers之外, 其他都係羅住大相機同錄影機既記者. 第一次出席記招, 呢半日假真係好抵呀! 

大家安頓好後, 第一位出場既係名模楊崢小姐, 接住黎仲有劉心悠, model楊叮叮同著名化妝師AnnieG Chan! 真係好開心可以親眼見到大美人, 楊崢真係一位好好既司儀, 心悠真係好sweet好靚呀!!! 

席間3位美人同AnnieG一齊分享大家用粉底既心得同要點, 劉心悠更即席為楊叮叮化妝添! 第一次見真人既AnnieG, 原來佢好生鬼架, 係甘講笑, 同男化妝師真係好唔同!
今次The Body Shop新出既礦物粉底系列, 其實有3個重要產品, 分別係:

1.   Extra Virgin Minerals™ Liquid Foundation SPF30純橄欖礦物粉底液 SPF30 (HK$ 199)

2.   Extra Virgin Minerals™ Cream Compact Foundation SPF15　純橄欖礦物乳霜粉餅 SPF15 (HK$ 259)

3.   Extra Virgin Minerals™ Loose Powder Foundation SPF25純橄欖礦物碎粉 SPF25 

今次我地blogger試用既有頭2隻, 即係Extra Virgin Minerals™ Liquid Foundation同Extra Virgin Minerals™ Cream Compact Foundation.

全個系列既產品都使用左公平社群貿易的純正有機橄欖油黎做既, 貫切左The Body Shop對社會既關心.

先試Extra Virgin Minerals™ Liquid Foundation先, 佢既質感非常輕盈，由超微細礦物粉末以及公平社群貿易的純正有機橄欖油與漆樹果仁油的獨特配方精製而成，輕薄、舒適的質感為肌膚帶來整日的補濕滋潤。

使用方法 : 只需用手指輕按泵裝瓶口, 再用手指, 濕粉掃或海綿塗抹開即可. 

我就比較lazy, 選用了手指上妝, 不過出奇地易推, 推左幾下已經感覺到佢唔似液體, 好似粉狀的好平均分佈係皮膚上. 佢有SPF30既防曬, 出街返工都唔怕曬黑. 用上一日, 感覺仍好舒服, 唔會過份泛油.

再試下Extra Virgin Minerals™ Cream Compact Foundation, 盒內跟左一個特制既掃,  呈半圓形的, 好方便用係眼位, 鼻位或咀唇邊, 掃毛好幼滑添!

Compact Foundation以100%超微細礦物粉末，配合意大利公平社群貿易的純正有機橄欖油，如忌廉般的質地能與肌膚完美結合，只需輕輕一掃，即時幻化成輕盈啞緻的無瑕妝容，帶來中度至全面的遮瑕效果。

使用方法: 以內置粉掃將粉底均勻地塗抹於面上.

使用後, 我面上的斑斑都淡左, 皮膚帶一種自然既光澤, 質地好滑, 佢仲有SPF15既防曬, 平時去街都可以簡單數分鐘上妝出門口!

係記招既尾聲, 大會已經準備好各人適合既粉底顏色, 包裝好俾我地帶走啦, 真係好貼心呀!

再見包包面 - Clarins 纖顏緊緻精華

個身要減肥, 塊面都要減埋一份架! 人的目光總會第一個先看你塊面. 肥腫難分就唔好啦~

要V型面, 可以試下Clarins既纖顏緊緻精華, 無記錯, 已經出左第2年啦!

今次去到Clarins, 仲可以享受埋Skin Time美肌體驗, 試多幾隻Clarins product, 了解更多~

檯面已經準備了大毛巾及一籃產品了~

BA姐姐先用了ED系列的EAU DYNAMISANTE保養香醍露幫我消毒手部~ 以便吸收其他試用品~

BA姐姐分別幫我試用了以下CLARINS產品:

1. Aqua Essence Morning Energy (Toner) - 又係香水又可以作消毒用
2. Defining Eye Life
3. Shaping Facial Life - 今次既主打產品, BA姐姐俾我試過質感, 亦同佢幫我按摩隻手仔~
4. Shaping Facial Lift Wrap - 我都敷過係手背呀! 敷完唔乾仲白淨左!
5. Bi-phase intersive Serum - 第一次試要搖勻先可以用既SERUM
6. UV Plus HP SPF 40 - Neutral color - CLARINS另一出名既PRODUCT- 防曬露, 真係好清爽呀!

完左Skin Time美肌體驗, 我就帶左一支纖顏緊緻精華返屋企啦!

仲附送埋小冊子及一把專用間尺, 可以度得出你塊面有幾V架!

回家已經急不及待開黎試啦~ 纖顏緊緻精華係白色既乳液狀, 香味都幾濃~

PUMP得太多了, 一隻手背用一半分量就可以了!

按摩了數圈, 仲未吸收曬......不過等多一陣, 就已經好乾爽啦!

手上過了一小時仍留有香味....

下一PART就用上面啦~ 下次報告用左大約1個月既結果!