全新推出 美式之旅 - 富豪東方酒店 華岸酒吧餐廳

相信好多朋友都會約埋三五知己, 成日四出找尋香港特色美食. 今次我都介紹一下我2星期連去2次既富豪東方酒店 - 華岸酒吧餐廳既全新美食啦!

富豪東方酒店係四月份全新推出了美式美食, 我去了2次, 2次都食得津津有味!

包括有雞胸凱撒沙律 ($118), 雞胸肉超級的嫩滑, 絕不鞋口! 超正! 

我最鍾意食熱氣野, 麵包粒粒絕對是我必掃之選. 

而沙律菜就一般貨仔啦.

頭盤就係新奧儞良蟹餅 ($98), 6粒蟹餅環繞住秘製芒果醬.

切開蟹餅, 入面係部是蟹肉, 完全無加粉! 

沾上秘製芒果醬, 外皮十分香口, 啖啖都係毚肉, 真係好好味, 大家都食唔停口呀!

下一道菜就係招牌拼盤 ($198), 包括有4款不同的醬汁, 拼盤包括有:
1. 香辣雞翼 - 沾上香辣醬再炸, 外皮香脆, 辣辣地十分野味, 雞翼大隻, 肉仲好嫩.
2. 焗薯皮 - 釀有煙肉及芝士, 如果再脆D更好.
3. 香脆粟米片 - 配有辣肉醬做TOPPING, 栗米片香脆!
4. 炸黃金芝士條 - 炸MOZZAREL CHEESE, 外皮有香草, 呢個最好食!

4款醬汁有牛油地source, sour cream, 沙律醬及蕃茄醬. 其中我最鍾意就係牛油地source!

招牌拼盤用黎送酒一流!

輪到主菜出場了! 三個MINI BURGER - 迷仔三重奏 ($168)!
三個漢堡包括有:
1. 安格斯牛肉漢堡- 以9成安格斯牛肉+1成牛油做成漢堡扒, 漢堡扒入口即溶, 好甘香好鬆化!
2. 日式雞扒漢堡- 雞扒配以菠蘿, 好FRESH!
3. 英式炸魚漢堡- 炸鱈魚扒, 魚肉好嫩

所有漢堡扒都好厚好JUICY, 我最鍾意安格斯牛肉漢堡, 口感同味道都係最好的一個!

而且現在粗薯條, 我會留下招牌拼盤的SOUR CREAM一起吃!

最後一道主菜就係意大利雲吞 ($118), 呢道菜有點奇怪, 跟美式MANUEL一點也不相關.

雲吞是大廚親手包的, 皮好薄, FILLING豐富, 有CHEESE及菠菜, 加上新鮮蕃茄製造既醬料, 都幾好食呀!

最後, 一定要食埋DESSERT先叫完美既一餐! 我地點了3個甜品SHARE食, 包括APPLE PIE($78), 心太軟($68)及NEW YORK CHEESECAKE($48).

味道OK, 最好食係APPLE PIE, 不過心太軟沒有流心 =.=, 有點失望.

華岸酒吧餐廳仲會現場直播足球賽事, 我老公都成日都睇架!

我到依家仲好掛住新奧儞良蟹餅及招牌拼盤呀, 下次去睇波, 有美食雙伴, 太好啦!!
地點: 富豪東方酒店
九龍九龍城沙浦道30-38號

香橙美白- 韓國 無添加 ELCURE Vitamin-C緊緻美白精華素

今次再來介紹韓國產品呀!! 今次試用既係含有維生素C既美白精華素.

 維生素C係好多美白產品都有, 佢可以美白, 去雀斑, 抗衰老, 增加皮膚對紫外線既抵抗力! ELCURE既維生素C同其他有點不同.

 產品特點
ELCURE Vitamin-C Serum把純維生素以穩定狀態轉換，發揮原本維生素的功能，並以最佳的濃度和酸度讓皮膚吸收。產品在電子陣列中變化的電離組成，用最高技術建立，有效提升皮膚的吸收能力。

另外，以離子導入精華素，以達致雙位吸收的效果。精華素的成份純天然，敏感皮膚也可安心使用。

 無化學合成添加劑
無防腐劑
無人工色素
無增稠劑
無抗靜電劑無抗氧化劑
用得安全放心呀!

 使用方法：

1.在夜間潔面後使用，然後可使用其他護膚品
2.維生素C屬水溶性，精華素不含油性成份，當精華素被完全吸收後，便可使用其他化妝品
3.適合晚間使用，如日間使用要同時使用防曬產品

而且ELCURE Vitamin-C Serum使用滴管設計, 直接抽出使用, 衛生好多.

 ELCURE Vitamin-C Serum係半透明狀的, 好香既香橙味.

搽上面, 只需要十幾秒就吸收得一乾二淨, 真係超級快, 影相都趕唔切呀!!!

一搽就聞到我鍾意既香橙味, 吸收後皮膚緊緊的, 有收緊作用.

要立即搽上面霜呀, 以免皮膚過乾.

不過反而我鍾意呢個感覺, 因為真係可以FEEL到皮膚真正地吸收了!!

 使用ELCURE Vitamin-C Serum已經2星期了, 皮膚無敏感, 美白暫未見到, 不過皮膚通透左. 同埋吸收其他產品好似快左.

可以上網就訂到啦:

NB LIFE 24 Website
http://www.nblife24.com/shop/step1.php?number=28

價錢 : $359.1/50ml

水潤, 嫩滑新感受- 韓國CAREZONE Nordenau Water Essence水療精華素

係清明節+復活節既悠長假期, 個人要休息, 皮膚都要休息. 

今次介紹既又係韓國品牌 - CAREZONE. CAREZONE係韓國家居及健康護理公司LG旗下既美容品牌, 該品牌有2個系列:

1. 醫學配方 (Doctor Solution)  - 專為問題肌膚而設, 奉行「4-free」系列, 即係無酒精, 無礦物, 無香料及無色素. 把刺激物減至最少, 特別適合問題肌膚使用.

2. 專業皮膚配方 (Carezone NB Clinic) - 與專業皮膚科醫生共同研發, 包括美白, 去皺及改善乾燥缺水等肌膚.

今次我試用既係醫學配方 (Doctor Solution) 內的Nordenau保濕系列, 岩曬我係潮濕天氣會易敏感, 泛紅, 痕癢既皮膚!!!

呢支就係Nordenau保濕系列內既Water Essence 水療精華素.

Water Essence水療精華素細緻而柔滑的精華液，為肌膚底層補充水份並築起保濕層，持續讓肌膚感到水嫩舒緩

售價 : $160/45ml

pump裝十分方便, 精華素是奶白色的GEL狀.

精華素只帶微香, 其GEL狀都幾杰身的, 好易推開全面.

推開後好似有一層透明既MASK係表面, 1分鐘內就會完完全全地吸收.

吸收皮膚立即變得好軟好幼嫩, 仲好滑! 我最鍾意佢滑溜既感覺, 保濕度唔差. 

但一D都唔會痴笠笠!! 

用左足足2星期了, 係極懶無乜敷MASK既情況下, 皮膚好易缺水. 

但我2邊面珠既水份仲好夠! 一D都無俾潮濕既天氣影響!

另外我鍾意佢一D都唔貴!!! 只係$160咋!!

全線系列共有4個產品架:
1. Water Tone 水療爽膚水 $148/170ml
2. Water Essence 水療精華素 $160/45ml
3. Water Cream 水療面霜 $220/50ml
4. Water BB Cream 水療BB修護霜 SPF34/PA++ $152/50ml
於各莎莎SaSa有售!
查詢電話 : 25055023

自動起泡的潔面mask - Heynature O2面膜潔臉乳Oxygen Brightening Mask Cleanser

起泡既保濕mask我就試過了, 今次試既係做清潔既起泡mask呀!

呢隻起泡mask係韓國出品架.2004年 Heynature于韓國正式創立, 建立自身的品牌, 推廣韓方,草本和香薰制成的天然護膚品.

Heynature背景:
依據傳統韓方醫學，經韓方美容醫生研究，以最有效的韓方草本處方、集合美容、醫學的專業知識, 於2002年研發出韓方的天然護膚品,產品並供給韓國各大的網上商店.

Heynature產品概念:
使用韓國固有的韓藥草本材料(如有機魚腥草,白茯苓,玉容散等)和西洋的草本植物(Herb)和香薰,努力令使用者得到大自然給肌膚的健康.

今次試用既係活氧面膜潔臉乳 - 含多種不同天然成份製造，具泡沫按摩、深層清潔、角質管理、平衡油脂、毛孔管理集潔面護膚功能於一身。有效潤澤肌膚、活化細胞、減淡皺紋和色斑，使肌膚浄白剔透及改善粗糙受損肌膚，散發活現神采。成分中的牛奶蛋白及茶多酚提取物可有助減退皮膚黑斑善提高細胞的免疫力，促進肌膚的新陳代謝率，令肌膚重現明亮透白，時刻保持最佳狀態，塑造健康水嫩亮白美肌。

使用說明:

1. 使用前臉部與手部需要保持乾爽，並請按壓5-6次並塗於臉部四周。 (約10秒後活氣淨化潔膚面膜便會開始形成泡沫。)

2. 利用雙手輕輕按摩質感幼滑柔軟的泡沫約30秒，之後便可用溫水清潔臉部肌膚。

呢張係使用Heynature O2面膜潔臉乳前既相片, 俾你地做個對比~

搽上面, 2-3秒開始已經見到佢起泡啦.

細細到感覺到好多泡泡係皮膚上"爆"開甘, "之之炸炸"好得意.

有點像細力按摩既感覺.

10秒左右就見到以下既泡泡面啦!

之後就可以在泡泡表面開始按摩皮膚. 泡泡就開始散了.

按摩30秒, 再加少少水要按摩一陣, 就可以過水啦!

用完Heynature O2面膜潔臉乳, 皮膚好乾淨, 有光澤, 好清爽, 如保濕度再高d就更好了.

洗完面, 我感覺面頰2邊的泛紅有少少改善, 因為Heynature O2面膜潔臉乳內含有蘆薈成份, 而且仲有牛奶蛋白, 透明質酸, 甘油, 茶多酚提取物, 魚腥草, 菊花成份.

依家Heynature 係係屈臣氏及專櫃有售啦, 價錢只係$98咋!

官網 : http://www.heynature.com/hey/product_1.php?id=338
依家香港既官網仲有免費既試用裝羅添呀!

Dove多芬 最新深層修護 護髮產品 - DOVE 2 步深層鎖護精華

今次參加左iMORE一次絕密既試用會, 仲安排左係尖東一間酒店內的salon舉行, 攪攪新意思, 好特別呀!

大家都坐定定, 眼定定, 等我地將會試用既DOVE新產品出場! 今次黎得salon, 一定係試Hair Product啦, 唔係沖涼產品喎!

 原來DOVE今次推出左一隻2 步深層鎖護精華, 適合經常電, 染, 燙髮既朋友使用.

 係我地排隊等洗頭既時間, iMORE既編輯ISIS做左MODEL, 由髮型師為佢轉轉髮型, 仲介紹今年春夏既HAIR DESIGN.

ISIS由直髮, 變左好多CURL, 靚好多呀!

 睇番今次要試用既產品, 係一支 深層修護精華乳 及 免沖洗精華素.

在包裝外已經清楚印了 "1" 及 "2" 來分辨次序.

ASSISTANCE幫我洗完頭, 髮型師幫我地每位搽上深層修護精華乳.
只需要等3分鐘, 就可以去過水架啦.

 過免沖洗精華素過水後, 用毛巾印乾, 再搽埋免沖洗精華素, 就可以直接吹頭及做型.

髮型師教我點樣使用免沖洗精華素, 佢話以我既頭髮, 只要用1/5支免沖洗精華素就足夠了.
髮型師幫我DESIGN HAIR STYLE, 做了一個自然捲曲既髮型. 
但我覺得髮質有點乾.

 在SALON試用完, 我地帶左一套產品回家再試用.

包括 : 一支深層修護洗髮乳, 一支深層修護潤髮乳, 及最新推出的2 步深層鎖護精華一盒.

深層修護洗髮乳及潤髮乳其他出左一段時間架啦. 

佢有『髮絲纖維修護因子』- FIBER ACTIVES 及 『微分子保濕精華』- DOVE MICRO MOISTURE SERUM 成份.

『髮絲纖維修護因子』- FIBER ACTIVES – 能深入髮絲纖維，幫助修護因吹染整燙而受損的頭髮，並有效減少髮尾分岔。
而日本專利成分的『微分子保濕精華』- DOVE MICRO MOISTURE SERUM ，能從髮根至髮尾強化及滋養秀髮。

先來看看洗髮乳, 內有很多閃粉, 

 我覺得使用份量比其他牌子少, 就可以洗出好多泡泡.

以我既頭髮為倒, 我大約使用一個五元硬幣既份量已好足夠.

 過水後, 再使用深層修護潤髮乳, 質地係膏狀的. 

 好易就可以係頭髮推開, 立即過水就可以了.

 而每隔7天, 就可以使用2 步深層鎖護精華, 為頭髮做一次真正的Hair Treatment. 

成份 : 含「髮絲纖維修護」因子，深入滲透髮芯纖維，修護受損部分，為髮芯注入養分。Dove「修護鎖科技」， 在修護髮絲後瞬間鎖住修護養分於秀髮上，令秀髮順滑不易打結展現光采，用後無需清洗。
功效 : 以 「先護後鎖」的嶄新護髮概念，從外而內的深入髮絲纖維，定位追蹤修護受損的髮芯部份，並鎖住修護養分於秀髮上，一星期用一次，秀髮便能持久柔軟順滑長達 7 天。

 Step 1：修護 - 使用深層修護精華乳
用法：輕輕在髮絲按摩 3 分鐘，再以清水沖洗。

Step 2：鎖護 - 使用免沖洗精華素用法：塗於半乾的髮絲，然後即可如常造型。

一盒內有4套, 可以用足4星期.

 Step1既深層修護精華乳都係白色既膏狀, 一支15ml, 剛剛好用於一把長頭髮.

但切記不要搽在頭皮上. 

 等待3分鐘就可以過水, 感覺頭駛比使用潤髮乳清爽.

Step 2就可以用免沖洗精華素, 質地跟髮尾油沒有分別, 都是油狀.
按照髮型師既提議, 我只用了約1/5支.

之後就可以吹乾頭髮了. 頭髮有光澤, 不打結, 好順滑. Dove的獨有香味可以留在頭髮上整整一天.

但我感覺頭髮有點重, 有點笠. 不夠爽身.

已整整用了整個系統2星期了, 我還是愛用潤髮乳多於 2 步深層鎖護精華, 因為潤髮乳較2 步深層鎖護精華爽身, 而且洗頭再加潤髮乳已夠滋潤.

反而2 步深層鎖護精華對我來說太笠了. 


2 步深層鎖護精華已剛剛有4月2日發行出售了, 價錢只係$59.9.

找到更多Dove既資料, 可以參考佢地Facebook : https://www.facebook.com/dove?ref=ts