去頭皮既新選擇 - Clear Complete Care 女士去屑洗髮系列

近日被小S的廣告吸引到我既目光, 佢既其中一個廣告就係代言Clear去屑洗頭水, 再來Clear亦有找來世界級球球壇明星C朗代言, 小S代言女士去屑洗髮水, C朗就代言男士去屑洗髮水.

原來Clear已經早係台灣/美國等地發售, 首次引入黎香港, 據品牌透露, Clear比另一隻H字頭既去屑品牌更有效. 而且研究話唔好以為要見到頭皮先叫有皮屑, 原來2個女士就有一個有皮屑問題架!

Clear既洗頭水除左分開男女配方, 每個配方仲有3個不同FORMULA, 適當不同髮質.

今次我試用了女士多效水護型洗頭水, 含有維他命礦物質, 令頭髮保濕水潤, 呵護頭皮健康! 岩曬我較乾既髮質使用.

女士多效水護型洗頭水係白色既乳液狀洗頭水, 只有微香, 十分容易起泡, 我會多按摩頭皮一陣以便頭皮吸收養份, 過水時覺得頭髮有一丁點乾, 如果係乾性髮質, 我建議之後要使用護髮素或HAIR MASK.

洗完頭印乾D水, 頭髮水潤度都OK, 不是清爽的類型, 吹頭後頭髮的貼服度幾好, 唔會乾到飛起曬. 頭皮感覺舒服, 因為本身無皮屑問題所以未能見到效果.

如果有頭皮問題, 可以多個選擇去試下CLEAR呀!

屈臣氏賣緊$74.9/大支, $47.9/細支400ML

超貼面, 超多精華的面膜 - 台灣Dr.Morita 森田藥粧 白米萃淨白潤原液面膜

一向都有留意台灣Dr.Morita 森田藥粧既出品, 因為價錢十分大眾化, 平均唔超過$50/盒仲有8片面膜, 眼膜都只係$38/6片, 日日敷MASK都唔覺肉痛.

今個月森田藥粧係香港推出左全新5款MASK, 包括3款面膜及2款眼膜, , 包括類蛇毒胜肽緊緻提昇面膜, 白米萃淨白潤原液面膜 & 茶多酚緊緻毛孔原液面膜, 眼膜就包括類蛇毒胜肽緊緻提昇白潤眼膜 & 三重玻尿酸晶亮透潤眼膜.

今次先試用其中中款 - 白米萃淨白潤原液面膜. 

白米萃取長效深度滋潤並維持肌膚水油平衡，配合小分子玻尿酸能迅速滲透角質層，令肌膚白皙, 塑造”透白滑”完美肌, 晶瑩剔透。

今個系列改用了全新既面膜紙, 彩用創新天羽絲隱形彈力面膜, 能吸附自身重量8倍的精華液,更透薄, 更貼面. 絹絲般的觸感, 猶如臉上第二層肌膚般緊密貼服, 能將8倍精華液完全滲透到肌膚裡。

因為太薄, 所以打開包裝會見到面膜紙用膠紙隔開, 而且精華素超級多又較稀, 一取出已經係甘滴, 我建議大家”咋”乾少少才取出面膜.

因為面膜紙好薄, 需要連同膠紙一起先敷上面, 貼好位置才由2邊開始除去膠紙, 甘面膜就唔會打曬交.

貼好後, 面膜真係超級貼面, 鼻位及眼位都好FIT, CUTTING仲岩岩好, 唔會太大太細.

袋內仲有好多精華剩低, 我會用一片薄既化妝綿吸埋, 敷係特別需要既地方.

15分鐘後, 面膜仲係好濕滋, 除去面膜輕拍, 精華素都吸收唔曬, 只好搽左佢再搽面霜.

係用面膜前及後, 不見膚色有白左既效果, 而且感覺水潤度只係一般, 皮膚沒有飲飽水既感覺.我覺得適合每日用此MASK, 當做日常保養品, 不過我好鍾意佢個面膜紙, 真係超薄, 好吸力及貼面, 唔會走位又唔會漏出精華液, 敷住傾計四圍行都無問題, 如果可以配合更水潤既配方就更PERFECT. 不過價錢平, $59有8片, 如果要平, 我會揀佢!

Dr.Morita森田藥粧面膜於全線萬寧發售

全新3款面膜 (類蛇毒胜肽緊緻提昇面膜, 白米萃淨白潤原液面膜 & 茶多酚緊緻毛孔原液面膜) : $59/8片

夏日防敏, 狐狸Bye Bye – 全新Dove 乾爽低敏感止汗系列

夏天我最怕就係出汗, 因為怕有體臭影響儀態, 就算生得幾好樣都好, 一俾人聞到你有狐狸一定大打節扣!

今年Dove全新推出為敏感肌膚類型而設的乾爽低敏感止汗系列, 為敏感肌膚提供細心呵護既保障, 純淨、溫和、無添加的止汗新體驗!

Dove推出全新乾爽低敏感止汗系列，是市面上第一款無添加的女性止汗產品，無香料、無色素、無酒精及無Parabens等化學物，為敏感性肌膚提供純淨、溫和及無添加的48小時止汗保護，令肌膚長時間乾爽舒服；產品蘊含1/4潤膚乳，止汗同時滋潤腋下肌膚，令其細緻柔滑。

乾爽低敏感止汗系列包括2個產品, 乾爽低敏感止汗噴霧及乾爽低敏感止汗走珠香體露, 方便不同需要既朋友選擇.

乾爽低敏感止汗走珠香體露係一貫ROLL-ON既設計, 真係沒有香味呀! 搽上腋下幾層較厚身後,會有一些白色乳液的堆積, 不過穿起衣服後不會發現的. 我本身就喜歡塗多一點, 因為人比較大汗, 有位置棄漏就麻煩了.

而乾爽低敏感止汗噴霧一樣是無香味的, 噴多一點可以見到一層白色粉碎, 小心在第一次使用時會有雪花噴出來, 要先噴一噴做測試呀. 不過用噴霧裝的可以更加均勻, 更方便及乾淨.

雖然有2種不同的包裝, 不過在塗抹/噴後的皮膚都十分清爽, 絕不會有笠痴痴的感覺, 因為佢乾得快! 亦唔會感到乾燥, 最愛就係佢完全無香味, 不似其他品牌把我整個人都香起來, 比我噴香水還嚴重的.

我試過用上Dove再去跑步, 出汗問題等到解決, 而狐狸當然絕跡係我身上!!

Dove乾爽低敏感止汗噴霧  150ML  HKD $33.9

Dove乾爽低敏感止汗走珠香體露40ML  HKD $31.9

萬寧、屈臣氏、百住超級市場、惠康超級市場、莎莎及卓悅發售。

剃刀以外的選擇 - Veet Suprem' Essence Body Curv 無刀片脱毛乳霜 (腋下專用裝)

對女士黎講, 除左頭髮, 眼睫毛及眉毛之外, 其他既毛毛係唔見得人既!

毛毛除左用剃刀或做激光脫毛之外, 仲可以用脱毛乳霜! 用脱毛乳霜既好處就係唔會令皮膚受損, 唔似用剃刀甘易整損, 而且脱毛乳霜只係幾分鐘就令毛毛折斷, 亦令皮膚更加柔滑! Veet係你既其中一個選擇.

Veet利用獨創的 Easy Roll-On 滑頭脱毛乳霜設計及 Rasera™ 無刀片剃刀，能輕柔地貼合腋下肌膚，給腋窩及比堅尼位的敏感部位均匀覆蓋脫毛乳霜，深入毛囊軟化毛髮，輕柔有效地除毛，效果更比傳統剃刀 2 倍持久柔滑及徹底，且避免刮傷，亦能單手操作、方便快捷。並可在淋浴時使用，相當省時。馥郁的玫瑰香氣，感覺紓緩，其獨特的保濕效果令肌膚更水潤、更富有光澤。

最特別要講講既就係Veet既Rasera™ 無刀片剃刀, 佢有2段係用軟膠做的, 可以控制力度及不會刮傷皮膚, 十分安全!

記得以前Veet, 氣味好難聞的, 依家既配方已經改左, 仲有玫瑰香薰味, 好清香, 絕不難聞.

今次找來媽媽來做大測試, 因為我全身上下已經做曬激光脫毛. 媽媽因為食過類回醇而令身體既毛髮增多, 小腿係較明顯既, 毛髮又長又粗, 夏天要著短褲, 今次就借用媽媽既腳黎做大測試.

皮膚並不需要毛清洗的, 先搽上Veet脱毛乳霜, 脱毛乳霜要足夠COVER毛毛, Easy Roll-On滑頭好滑, 好易令脱毛乳霜好易均勻甘搽係皮膚上, 再等3-6分鐘, 過左2分鐘已經見到毛髮本身係直, 變到好似電左甘, 一圈圈的, 相信是脱毛乳霜令毛髮的結構改變而做成, 應該係令毛髮脆左甘.

過左5分鐘我已經用Rasera™ 無刀片剃刀去刮, 刮第1下已經見到毛髮斷掉, 約剩下2-3MM, 再刮多2下就跟皮膚齊平了! 有部份毛髮未能用Rasera™ 無刀片剃刀刮去, 亦能用手甲刮斷喎, 所以要補飛都無問題, 而且跟用剃刀既效果完全一樣!

用完後, 皮膚真係好滑, 不過媽媽說有點兒乾, 需要搽番潤膚霜.

一支Veet Suprem' Essence Body Curv 無刀片脱毛乳霜大約可以使用3-4次左右 (1對小腿份量).

Veet Suprem' Essence Body Curv 無刀片脱毛乳霜 $88/100ml

Veet Official Website: http://www.veet.com.hk/cn/

BB霜的進化版 – Estee Lauder CyberWhite HD 高清亮白防曬 BB 保濕底霜SPF 30/PA++

每年Estee Lauder都會推出全新既美白產品黎迎接夏日, 今年亦唔例外, 推出了全新CyberWhite HD亮白淡斑系列, 包括高清亮白淡斑精華, 化妝水, 仲有新一代既BB霜!

今次我試用下新一代既BB霜, 佢特別在唔再係牙膏裝, 今次係粉餅盒裝架!!

全新CyberWhite HD系列加入了全新成份, 含有達活性水平的 90% 活性黄芩苷 (Baicalin) 及 HD-90 超高清美白淡斑激活科技, 高效預防色斑形成, 令淡斑功效加速3倍。目的要近至10cm、甚至零距離, 一樣不見色斑, 自信展現完美無瑕素肌。

新一代既BB霜除左有全新既成份之外, 仲採用新一代防曬調色底霜技術, 令質感無比輕盈, 有梳乎厘般既柔軟質感, 造出輕柔滑緻自然妝效, 又能保護嬌顏免受 UVA/UVB 及污染所傷, 更可鞏固鎖水屏障, 感覺柔滑舒服, 為肌膚打好完美底子, 從而描出心儀妝容。

BB霜內分為2個間隔, 第一層係BB BALM, 第2層就放左專用既粉撲, 粉撲隔仲有透氣位, 盒內仲附有鏡子, 設計好細心.

BB霜質地真係好幼滑, 輕輕一抹已經好貼面好薄身, 抹多幾多都唔會厚身喎!

開頭搽一下時以為膚色會白左好多, 過一陣望望都回復自然膚色, 只有提升左亮白度. 膚色有平衡既作用,帶有遮暇作用, 見到D墨淡左色, 皮膚帶有水潤感, 連毛孔都遮到.

其保濕度唔錯, 不過中午已見T位有少少油光, 需要印一印.

用粉撲上BB BALM感覺比其他BB CREAM要用手上更方便控制, 因為絕對唔會搽得厚! 如果化淡妝出街, 帶佢黎補粉就好方便, 一盒可以代替粉底, 仲有齊鏡子及粉撲!

Estee Lauder CyberWhite HD 高清亮白防曬 BB 保濕底霜 - $380/30ml

Official Website: http://www.esteelauder.com.hk/?q=zh-hant