有效遮蓋毛孔, 貼服自然的BB CREAM - Touch in SOL I’m Covering you BB Cream 美白遮瑕BB防曬底霜

韓國出名就係化妝品, BB CREAM已經流行左一排, 但仲繼續有新出品推出, 今次試用既就係今年10月先推出既Touch in SOL I’m Covering you BB Cream, 含有SPF50 PA+++的高度防曬配方, 每護膚更可以1 STEP攪掂. 原來Touch in SOL今年3月先係韓國誕生架咋!

包裝全部都係韓文, 一隻中文字都無, 如果加番張貼紙介紹下都好呀, 支BB CREAM是牙膏包裝的, 用上PUMP頭, 其實一樣要好似用牙膏一樣把BB CREAM推往PUMP頭方向, 以便PUMP出.

BB CREAM蘊含活性成分，包括Hyaluronic Acid、Rosemary Extract、Camomile Extract、Lavender Extract、Green Tea Extract、PORTULACA OLERACEA (GREEN PURSLANE) EXTRACT、Hydromanil-75560、Repair Complex CLR. 能遮蓋面上瑕疵，同時具有美白、抗皺和阻隔紫外光等多種功效。其含有各種保濕滋潤成分和專利成分，有效促進肌膚修復，變得水潤柔滑，塗抹後膚色顯得均勻，妝感自然。

PUMP出是已有色的BB CREAM, 搽上面十分易推, 質地幾幼滑同薄身, 推多幾下都無問題, 不會出粒粒, 只需要用少份量已經可以搽曬一邊面, 黑眼圈明顯得到改善, 而最明顯的就是面上及鼻上的毛孔真係遮得幾好, 大約有70-80%既改善而變得無甘明顯, 特別係鼻位既毛孔最明顯.

搽上BB CREAM後, 皮膚有一種自然的光澤, 不是油光的那種, 不過保濕度一般, 笑起上黎會看見有點乾紋.

我發現BB CREAM有一點防水性, 因為我會先PUMP在手上再搽上面的, 去洗手時如果就甘沖水係沖唔走架! 呢點我覺得適用於依家濕笠笠既天氣!

搽完一整日, 只是T位有一點點油光, 用紙巾印下都無問題, OVERALL我幾滿意, 而且價錢平, 只賣$149/35ml.

屈臣氏連鎖店有售