全日防油防汗零補妝 - Estee Lauder Double Wear Foundation 持久防曬粉底液 SPF 10 PA++

近日留意到Estee Lauder主打妝容, 佢地既皇牌Double Wear Foundation 持久防曬粉底液聲稱可以做到15小時既持久妝容, 防油防汗, 唔駛成日補妝.

今次我都試左, 效果係點, 睇睇~~~

我推介先搽上Advanced Night Repair 升級再生基因修護露打底, 肌膚有足夠修護及滋潤, 亦可以令之後既粉底上得更貼.

Estee Lauder Double Wear Foundation 持久防曬粉底液含有SPF10及PA++既防曬功能, 不過防曬度唔算高, 我都係建議先搽上防曬底霜再上粉底.

我已經先到Estee Lauder先試色, 找到合適我既粉底液, 我用既係SAND36色, 持久防曬粉底並不是PUMP裝, 是打開蓋直接倒在手上, 再用掃/粉卜使用的.

持久防曬粉底都好易推得薄身, 我建議快快手手搽勻粉底係面上, 因為我覺得佢都幾快乾, 否則乾乾地再搽既時候就唔易推或者會好厚身. 另外係皮膚要乾爽才搽, 否則亦上唔到粉, 仲會甩粉.

粉底既遮瑕度好好, 鼻鼻的毛孔亦COVER得好好喎. 感覺比日本牌子既粉底係會厚身少少, 亦好似一層膜甘係皮膚上面. 不過仍然舒服.

我試過搽完粉之後去做家服, 鼻樑及額頭係我出汗最嚴重既地方, 基本上我郁2郁或者換衫吹下頭已經會出汗, 我用左持久防曬粉底液後, 汗水只會一粒粒水珠留係皮膚表面, 我輕輕用紙巾印走都唔會影響到粉底!!!

粉底用上一整日, 返工放工返到屋企, 都只係T位出了少少油份, 印一印唔補妝都OK!

我亦試過把少少粉底液放在洗手盆上, 我開水喉沖水都唔甩, 用已起泡既肥皂沖都唔甩, 真係要用紙巾抹走先會甩, 可見其緊貼度好好!

依家係Estee Lauder HK Facebook仲有小遊戲 – 【Double Wear 15小時持久底妝馬拉松】, 可以換領免費試用裝添!

http://www.facebook.com/esteelauderhk/app_446934198753385

Estee Lauder HK Official Website: http://www.esteelauder.com.hk/
Estee Lauder HK Facebook: http://www.facebook.com/esteelauderhk

免責聲明:
產品由Estee Lauder品牌提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。