美味燒肉及虎蝦 – 佐敦和匠日式燒肉店

朋友早前去過和匠食飯, 話好好味, 我都約埋一班胃食朋友一齊去試試!

長樂街好多美食, 我最常去的是”新斗記”, 今次和匠就係長樂街的轉角位, 門口係橫直木條的和風設計, 十分易搵.

我們一行六人, 安排了有2個爐的8人檯, 坐得好鬆動.

飯前點了3個小食~韓風泡菜, 芥辣八爪魚粒及豆腐沙律. 芥辣八爪魚粒只有輕微的辣, 沒有攻鼻的感覺, 多吃幾粒都沒問題! 一口一粒, 咬口十足, 先來剌激一下味蕾! 韓風泡菜及豆腐沙律都係一般貨仔.

我們點了2款牛肉, 2款豬肉, 還有店內名物 - 特大緬甸虎蝦!

今次我地選了美國Prime牛肉, 比較抵食~厚切美國Prime牛小排 及Prime牛角切, Prime牛肉果然係頂級牛肉, 肉質與脂肪分布最佳, 有豐富的油花脂肪, 燒完的肉質柔軟, 滿口油香, 可以食到唔停口! 但記緊要慢火燒, 因為油花好易搶火, 好易燒焦呵~

另外是2款豬肉, 日本國產鹿兒島黑豚 及鹽燒豬腩肉~

鹿兒島黑豚較為乾身, 沒有太多脂肪. 豬腩肉是較為厚切的, 燒耐一點可以做到脆煙肉的效果, 可以香口, 亦可以慢火燒的滑身.

最後是店內名物 - 特大緬甸虎蝦! 一隻大約8-9寸長! 仲有膏添! 一個爐只可以燒3-4隻蝦, 燒大約10分鐘就可以了. 蝦殼卜卜脆, 蝦肉非常彈牙! 真係好新鮮, 大滿足呀!!!!

如果蝦頭可以再放湯就最好了!

我們還另外點了飯/麵及飲品, 還是肉食比較吸引. Prime牛肉真係必食呀!

和匠日式燒肉店

地址: 佐敦長樂街23-27號德威大廈地下3號舖

電話: 2264 8928

Facebook: https://www.facebook.com/wa.shou.yakiniku.hk/?fref=ts

免責聲明:

產品由 和匠日式燒肉店 提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。

Carrie's Blogspot: http://littlecarriechan.blogspot.com/

Carrie’s Facebook Fans Page: https://www.facebook.com/carrieweblog