香噴噴又閃令令既環保聖誕 - LUSH Christmas 2013 Preview Event‏

每次行過LUSH, 都會俾一舊舊又色彩繽紛既沐浴汽泡彈吸引住, 可惜屋企無浴缸, 所以次次都會滿足完"視察享受"就算, 今次有幸在FACEBOOK抽到參觀LUSH 2013既聖誕節流動車, 讓我更加了解LUSH既全線產品, 而且仲有只為聖誕節已製既限定產品!

LUSH 2013既聖誕節流動車已於早前遊走於尖沙咀一帶, 今次特別泊左係海港城停車場, 讓我們入內跟Rudolph(紅鼻子的麋鹿), 粉紅天使, 玫瑰小姐, 聖誕老人同埋聖誕老人太太一齊享受左一個超開心的晚上!

LUSH的產品全部都係新鮮製造的, 絕不含防腐劑, 亦不含被壞環境既膠質, 包裝亦只會用循環再做紙, 絕對保護環境, 保護珍貴的地球!

2013年既聖誕節, 特別應節的有名為Rudolph青瓜豆腐面膜, 每盒都會付帶一粒紅色鼻子, 十分可愛!

青瓜豆腐面膜 - 讓青瓜，豆腐和椰子油作急救人員，立即紓緩及滋養你的肌膚

青瓜豆腐面膜既成份：新鮮青瓜，高嶺土，甘油，燕麥，豆腐，特級初榨椰子油，異極礦粉，金縷梅萃取，新鮮薄荷，綠茶粉，有機薰衣草精油，公平貿易蘆薈粉，啫喱，甘油，新鮮青瓜浸泡原液及公平貿易蘆薈凝膠等。

仲有包住一層海藻既歡欣布甸洗面膏 - 含豐富杏仁，蜜柑和紅莓的營養餐，讓你重拾健康亮澤的肌膚。

歡欣布甸洗面膏既成份：杏仁醉，高嶺土，甘油，新鮮蜜柑，紅莓乾，可可脂，拔蘭地酒，杏仁精油，香根草精油及雪松精油等。

最特別就係真係同爆谷一樣香味的樂天爆谷洗面膏 - 由玉米油，玉米糊和肉桂製造的新鮮洗面膏，可去角質和滋潤皮膚。

樂天爆谷洗面膏既成份：玉米粉，甘油，滑石粉，純水，玉米油，肉桂粉，香精，梔子花萃取及爆米花。

仲有一系列既沐浴用品, 包括有香橙, 玫瑰或棉花糖味道既SHOWER GEL外, 仲有很多香芬皂及汽浴彈!

而且好多份而都有銀色閃粉, 會溶於水中, 亦會留少少係身體上, 出街去XMAS PARTY使用最正! 全身閃閃一定會吸引好多目光. 不要擔心銀色閃粉係塑膠或者金屬, 其實LUSH既銀色閃粉係由海藻做架, 真係好意外!!!

車上仲有一塊原封未切既香芬皂, 佢就係Angel's Delight 天使之最香芬皂, 上面仲有好多閃閃星星片, 係沖涼既時候就如天上繁星落在身上!!!

上圖係最吸引我既產品, 只係聖誕樹先有得買到架, 就係Santa's Lip Scrub聖誕糖衣唇部磨砂啦!

近呢2個月我最愛看唇部磨砂產品, 因為咀唇多死皮, 搽唇膏都唔靚啦, LUSH既Santa's Lip Scrub聖誕糖衣唇部磨砂由砂糖製造, 係可樂味, 仲有好多心形閃片係入面, 又甜又靚, 我見個個朋友仔都食到唔停口呀!!! 而且十分滋潤, 絕不會磨損咀唇, 今年我一定會去入貨送俾朋友仔!!!

今年LUSH都推出好多好多不同款色既X'MAS BOX SET, 照顧到男士女士大人同細路, 最大份的是WOW!盛宴禮盒, 1個人羅起真係好重架, 除左用循環再做紙做之外, 連入面既海棉都係用粟米做的, 聖誕老人都食左好多粒!!

包裝手帕都係用LUSH的塑膠樽回收再做的, 2個500ML塑膠樽就可製成一條手帕, 仲印有雪人及小鹿圖案, 好可愛!

而上圖右下角的圖片係最岩小朋友玩既泡泡皂, 十分柔軟的, 又有不同顏色, 可以當泥膠玩都得!

 仲有X'MAS SET係包裝成波形, 可以掛於聖誕樹上, 亦有禮炮形, 不同設計適合不同的朋友仔!

LUSH X'MAS SET已經開始有售啦, 快D去睇下揀下啦!

Lush Official Website: http://www.lush-hk.com/

Lush HK Facebook: https://www.facebook.com/LushHK

免責聲明:
產品由LUSH品牌提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。