最適合乾燥肌膚的晚間小法寶 - Reskin Solution Night Pack睡眠修護面膜

還記得幾年前某個推出市面的韓國Sleeping Mask, 到現今都大賣, 其他品牌都紛紛推出不同的Sleeping Mask, 今次我接觸到另一個韓國品牌的Sleeping Mask, 我推介俾皮膚極為乾燥的朋友使用!

今次的韓國品牌係Reskin, 係一個功能性護膚品牌, 品牌嚴選無污染、純淨、高品質的優質成份, 包括韓國錦山蝸牛黏液、優質天然人蔘幹細胞、諾貝爾獲獎成份表皮生長因子（EGF）等, 研製各種針對不同肌膚問題的高效護膚品。

今次試用既係Solution Skincare R.S. 淨膚修護系列中既Reskin Solution Night Pack睡眠修護面膜, 主要針對以下問題既肌膚同功效:
- 修護肌膚，補充水份
- 舒緩皮膚因缺水而導致的敏感不適現象
- 翌日醒來肌膚變得水潤透白，充滿活力

適合任何皮膚, 特別係敏感及脆弱肌膚使用。

產品中蘊含荷荷巴油、納米維他命複合物、白芒花籽油、甘草、葡萄籽油, 可以調節水油平衡、抗氧化、保護皮膚.

包裝係牙膏裝的, 有錫紙封口確保衛生, 產品是白色CREAM狀的, 有微香, 質地十分杰身, 黏度好高. 我建議先用小份量搽開, 唔夠先羅多少少慢慢加上去. 因為搽開後皮膚會十分痴笠笠, 好似漿糊搽在面上, 就算時間幾耐都不會吸收至爽身的. 就好似一層啫喱貼於面上, 仲建議反訓既女生要在枕頭上放上毛巾.

感覺是超級保濕滋潤的, 第2天起來皮膚仍會很笠, 但用後水份飽滿, 十分適合冬天及乾燥肌膚使用.

而且市面上少見多於150ml的Sleeping Mask, 大家可以去莎莎睇下呀!

Reskin Solution Night Pack- 睡眠修護面膜 $330/150ml

莎莎化粧品: http://www.sasa.com
香港莎莎Facebook: https://www.facebook.com/sasahongkong

免責聲明:
產品由beautylife.hk及Reskin品牌提供, 本文章所發表的全部內容均屬個人意見，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。