與百位Blogger同時參與 - iMORE百人體驗團 (第二撃)

iMore係新Monday集團既一個美容及潮流資訊既網上平台, 提供更快更新既新美容產品第一手資料及時下服裝既潮流動向.

iMore今次係第2次舉辦百人體驗團啦, 雖然第一撃我未能抽空出席, 但係第二撃竟然有份參與,仲見到好多熟口熟面既blogger.

百人體驗團其實係一次過提供5個不同品牌既資訊, 即場俾大家試用及了解產品. 今次就有齊服裝iiJin, 首飾TSL, 護膚品Mioggi, 化妝品anna sui同埋iPad app iHoney.

每個品牌都有一個介紹環節同埋玩遊戲, 約有16位blogger贏取到禮物, 價值仲有高達$6880既鑽石頸鏈! 個位得到鑽石頸鏈既blogger真係超幸運, 原來佢係前一日先贏取到一部Samsung Galaxy Tab, 真係好幸運!

今次大會仲請黎星級blogger羽翹, 透露佢同iMore黎既有乜野合作計劃, 雖然佢通宵左2晚, 不過皮膚依然好靚! 厲害!

品牌介紹環節完結後, 每位blogger都可以自由活動, 去到不同品牌既counter去更了解及試用產品, 我就俾TSL謝瑞麟既Atelier系列吸引了!

佢地既design好特別, 我最鍾意一對方型既對介, 粗線條而且鑲滿了鑽石, 十分型格!

今年12月結婚的我亦被另一個產品吸收了, 是一套過大禮時用的上頭用品, 是足金打做的呀!

遲下會報告Mioggi生命水及ANNA SUI 華麗指甲油既試用文~